Tabiiy fanlar Fakulteti "Kimyo" kafedrasida Kimyo sohasidagi yetakchi ilmiy-tadqiqot instituti bilan hamkorlik o‘rnatildi

CHDPU Tabiiy fanlar fakultetida xalqaro ilmiy hamkorlik: Rossiya Fanlar akademiyasi olimlari bilan yangi bosqich

Rossiya Fanlar akademiyasining N.D. Zelinskiy nomidagi Organik kimyo instituti vakillari amaliy tashrif bilan Chirchiq davlat pedagogika universitetida bo‘lib turibdi. Mazkur tashrif universitetning xalqaro aloqalarini mustahkamlash hamda kimyo va unga tutash ilmiy yo‘nalishlarda o‘zaro tajriba almashish maqsadida tashkil etildi.

Delegatsiya tarkibi:

• Greysh Aleksandr Avraamovich – kimyo fanlari doktori, professor;

• Sokolovskiy Pavel Viktorovich – texnika fanlari nomzodi, katta ilmiy xodim.

Tashrif tafsilotlari: Delegatsiyaning amaliy tashrifi Tabiiy fanlar fakulteti qoshida tashkil etilgan Innovatsion park bo‘ylab ekskursiya bilan boshlandi. Mehmonlar universitetning boy tarixi, uning ma’naviy va moddiy qadriyatlari hamda fakultetning ilmiy salohiyati bilan yaqindan tanishdilar.

Tashrifning amaliy qismida rossiyalik olimlar fakultetning Kompozitsion materiallar va interpolimer komplekslar laboratoriyasi hamda Kimyo tajriba-sinov markazida bo‘lishdi. Bu yerda universitet magistrlari ishtirokida zamonaviy kimyoviy tahlillar o‘tkazildi va yosh tadqiqotchilarga mahorat darslari tashkil etildi. Dastur doirasida o‘tkazilgan ilmiy seminarda sohadagi dolzarb masalalar muhokama qilinib, istiqbolli rejalar belgilab olindi.