Tabiiy fanlar fakultetida yoshlar bilan uchrashuv bo‘lib o‘tdi

     Tabiiy fanlar fakulteti tashabbusi bilan “Ikki avlod uchrashuvi" bo‘lib o‘tdi. Mazkur uchrashuv ochiq muloqot, fikr va tashabbuslar maydoniga aylandi.
     Ushbu uchrashuv mehmoni - ilm-fan taraqqiyotiga munosib hissa qo’shib kelayotgan, o’zining ilmiy-pedagogik ishlari va tajribalari bilan yosh avlodga, pedagoglarga namuna hisoblangan etuk olima pedagogika fanlari doktori, professor, Turon Fanlar akademiyasi akademigi Tolipova Jamila Olimjonovnadir. Uchrashuv davomida talabalar o‘zlarini qiziqtirgan ularning hayot yo’li, ilmiy izlanishlari, kimyo va biologiya o’qitish metodikalariga oid savollar bilan murojaat qildilar.
     Tadbir davomida fakultet dekani Atanazar Raximov uchrashuv qahramoniga universitetning esdalik sovg‘alarini topshirdi.

     Xulosa o’rnida shuni aytish mumkinki, uchrashuv talaba - yoshlar uchun juda ham ahamiyatli va mazmunli, katta tajriba maktabi, ilm va hayot yo’lida muhim saboq bo’lib hizmat qiladi.

Universitet Axborot xizmati