Tag‘onova Guliza Bayramaliyevna 1994-yil 17-dekabrda Qashqadaryo viloyati Qarshi shahrida ishchi oilasida tug‘ilgan. 2010-yilda Toshkent viloyati, Chirchiq shahridagi 15-umumiy o‘rta ta’lim maktabini tamomlagan. Tag‘onova Guliza Bayramaliyevna 2017-yili Nizomiy nomidagi Toshkent davlat pedagogika universitetining Maxsus pedgogika fakulteti defektologiya ta’lim yo‘nalishiga o‘qishga kirib, “Defektolog” ixtisosligini 2021-yilda tamomlab bakalavr akademik darajasini olgan. 2021-yilida Chirchiq davlat pedagogika universitetining “Surdopedagogika” mutaxassisligi bo‘yicha magistraturaga o‘qishga kirib, 2023-yilda shu mutaxassislikni tamomlab magistr akademik darajasini olgan.
2022-2023-yillarda Toshkent viloyati Bo‘stonliq tumani 3-umumiy o‘rta ta’lim maktabida o‘qituvchi-logoped lavozimida faoliyat yuritgan.
2023-2024-yillarda Toshkent viloyati Chirchiq shahri 8-umumiy o‘rta ta’lim maktabida o‘qituvchi logoped lavozimida faoliyat yuritgan.
2024-yil sentyabr oyidan hozirgi kungacha Chirchiq davlat pedagogika universiteti, Pedagogika fakulteti “Maxsus pedagogika” kafedrasida o‘qituvchi lavozimida ishlab kelmoqda.
Ilmiy faoliyat:
Hozirgi kunda mustaqil izlanuvchi sifatida “Aqli zaif boshlang‘ich sinf o‘quvchilarining matematik tasavvuгlarini shakllantirish metodikasini takomillashtirish” mavzusida ilmiy ishini olib bormoqda.
“Pedagogik-psixologik diagnostika” o‘quv qo‘llanmasi;
“Logopedik ritmika” darsligi;
“Inklyuziv ta’limni samarali tashkil etishda pedagogik ta’lim klasterining didaktik imkoniyatlari” nomli monografiyasi nashr nashr qilingan.
Pedagogik faoliyat:
Maxsus pedagogika kafedrasida o‘qitiladigan fanlar bo‘yicha namunaviy va ishchi dasturlar, shuningdek, o‘quv-uslubiy majmualarni ishlab chiqishda faol ishtirok etib kelmoqda. U har bir dars jarayonida zamonaviy axborot-kommunikatsiya va multimediali texnologiyalaridan samarali foydalanadi, bu esa dars sifati va talabalar faoliyatiga ijobiy ta’sir ko‘rsatmoqda.
Xalqaro, respublika va universitet miqyosida o‘tkaziladigan ilmiy-nazariy hamda ilmiy-amaliy anjumanlarda inklyuziv ta’lim sohasiga bag‘ishlangan maqolalari, tezislari bilan faol qatnashib kelmoqda.
Shuningdek, G.B.Tag‘onova kafedrada “Ustoz-shogird” tizimini samarali yo‘lga qo‘ygan holda, iqtidorli talabalar bilan maqsadli va natijador ish olib bormoqda.
