To‘ychiboyev Jahongir Ismoiljon o’g’li 1994-yil 24-sentabrda tavallud topgan. Biologiya fanlari Odam va hayvonlar fiziologiyasi tadqiqochisidir. U 2021-yili O’zbekiston Milliy Universiteti (bakalavr), 2023-yili O’zbekiston Milliy Universiteti Odam va hayvonlar fiziologiyasi (magistratura) tamomlagan. 2024- yil hozirgi kunga qadar O’zbekiston Milliy Universiteti Odam va hayvonlar fiziologiyasi yo‘nalishida ( PhD ) tahsil olmoqda. Hozirgi kunda Chirchiq Davlat Pedagogika Universiteti, O‘zbekiston Respublikasi Fanlar akademiyasi A.Sodiqov nomidagi Bioorganik kimyo instituti va O‘zbekiston Milliy universiteti Biologiya va Ekologiya fakulteti, Odam va hayvonlar fiziologiyasi kafedrasi endokrinologiya sohasida ( Qalqonsimon bez kasalliklari va uning davolash usullarida yangi preparatlar yaratish ) faoliyat olib bormoqda.
Ilmni o‘qib, uni hayotga tadbiq etmasang, u xazinaga o‘xshaydi — qulfi bor, ammo kaliti yo‘q. Ilmning haqiqiy qiymati uni amal bilan bezashda, uni xalq va insoniyat manfaati uchun xizmat qildirishdadir. Kimki ilmni amal bilan uyg‘unlashtirsa, u jamiyatni yorituvchi chiroq bo‘ladi !
J. To‘ychiboyev o‘z ilmiy faoliyatini 2019 yilda O‘zbekiston Milliy universitetida boshlagan. Dastlabki tadqiqotlari eksperimental gipotiroidizm modeli sharoitida organizmning antioksidant himoya tizimi o‘zgarishlarini o‘rganishga bag‘ishlangan. Ushbu izlanishlarda u E vitamini va kurkuminning korreksiyalovchi xususiyatlarini tahlil qilib, ularning jigar va miya to‘qimalaridagi oksidlanish–qaytarilish jarayonlariga ta’sirini ilmiy asoslab bergan.
Keyingi ilmiy izlanishlarida u tabiiy moddalar — Rutan providin va Anakardinning biologik faol komponent sifatidagi ahamiyatini ham o‘rgandi. Ayniqsa, ushbu moddalarning gipotireoz modeli sharoitida fermentativ va nofermentativ antioksidantlar (superoksid-dismutaza, katalaza, glutation-peroksidaza, α-tokoferol va boshqalar) darajasiga ta’siri, shuningdek, lipid peroksidlanishi jarayonini cheklashdagi samaradorligi ko‘rsatib berilgan.
To‘ychiboyev olib borgan ilmiy ishlar natijasida:
- gipotireoz modelida oksidlovchi stressning asosiy ko‘rsatkichlari aniqlangan;
- E vitamin va kurkumin kabi tabiiy antioksidantlarning korreksiyalovchi samarasi ilmiy asoslangan;
- Rutan, Providin va Anakardin-2 moddalarning terapevtik imkoniyatlari sinovdan o’tkazilmoqda.
Hozirgi kunda u o‘z ilmiy faoliyatini Chirchiq Davlat Pedagogika Universiteti,O‘zbekiston Respublikasi Fanlar akademiyasi A. Sodiqov nomidagi Bioorganik kimyo instituti va O‘zbekiston Milliy universiteti Biologiya va Ekologiya fakulteti, Odam va hayvonlar fiziologiyasi kafedrasi bilan hamkorlikda davom ettirmoqda. Uning tadqiqotlari endokrinologiya sohasi, xususan, qalqonsimon bez kasalliklari va ularni davolashning yangi samarali preparatlarini yaratish yo‘nalishiga qaratilgan.
To‘ychiboyev Jaxongir faol, jonkuyar pedagog va tashkilotchi rahbar sifatida tajribaga ega. Uning oliy ta’limdagi pedagogik faoliyati Mirzo Ulug‘bek nomidagi O‘zbekiston Milliy universitetidan boshlangan va keyingi pedagogik va rahbarlik faoliyati quyidagi muassasalarni qamrab oladi:
- 2017-2021 yillarda: Mirzo Ulug’bek nomidagi O‘zMU bakalavr (Biologiya )
- 2021-2023 yillarda : Mirzo Ulug’bek nomidagi O‘zMU magistratura talabasi (Odam va hayvonlar fiziologiyasi);
2021-2025 yillarda: O‘ZMU Magistratura bosqichi talabalik davrida Xususiy tibbiy xizmat ko’rsatish “Billur Medical Zone “MCHJ asos soldi va direktor vazifasini bajarmoqda.
2023-dan hozirgi kungacha: “CRYSTAL MED GROUP “MCHJ Bolalarga Tibbiy xizmat ko‘rsatish va davolash korxonasiga asos soldi va xozirgi kunda ushbu korxonani boshqarib kelmoqda.
2023- hozirgi kungacha: Toshkent viloyati Chirchiq davlat pedagogika instituti (hozirgi Chirchiq davlat pedagogika universiteti) biologiya kafedrasida o‘qituvchi lavozimida faoliyat yuritmoqda
2024- hozirgi kungacha: Mirzo Ulug‘bek nomidagi O‘zbekiston Milliy Universiteti Biologiya va Ekologiya Fakulteti , Odam va hayvonlar fiziologiyasi kafedrasida PhD ilmiy darajasini olish uchun mustaqil tadqiqotchi sifatida o‘qishni davom ettirmoqda
