Umarova Ziyoda Ibraxim qizi – O‘zbekiston ta’lim tizimi va ilm-fan rivojiga munosib hissa qo‘shib kelayotgan ingliz tili bo‘yicha tajribali mutaxassis. Uning ilmiy va pedagogik faoliyati yosh avlodga sifatli ta’lim berishga, ularning mustaqil va tanqidiy fikrlash ko‘nikmalarini shakllantirishga xizmat qiladi. Ustoz yoshlarda ilmga qiziqish uyg‘otib, ularni ilmiy izlanishlarga jalb etadi, shuningdek, vatanparvarlik ruhida tarbiyalash va axloqiy qadriyatlarni singdirishda muhim rol o‘ynaydi.
Biografik maʼlumotlar
Umarova Ziyoda Ibraxim qizi - Lingvistika va ingliz tilini o'qitish metodikasi kafedrasining professor-o'qituvchisi. U 1996-yil 20-iyunda Toshkent viloyati Chirchiq shahrida tug'ilgan. 2019-yilda Toshkent davlat jahon tillari universitetining ingliz tili fakultetining Xorijiy til va adabiyoti yo'nalishi bo'yicha bakalavriatni muvaffaqiyatli tamomlagan. 2022-yil Toshkent davlat jahon tillari universiteti magistratura yo'nalishini muvaffaqiyatli tamomlagan.
Umarova Ziyoda Ibraxim qizi o'zining ilmiy faoliyati davomida bir nechta tashkilotlarda faoliyat yuritgan.
2015-2019 y - O‘zbekiston Davlat Jaxon tillari universiteti bakalavr talabasi
2019-2021 y - Chirchiq shahar Xalq ta’limi bo‘limi tasarrufidagi 8-umumiy o‘rta ta’lim maktabi ingliz tili fani o‘qituvchisi
2020-2022 y - O‘zbekiston Davlat Jaxon tillari universiteti magistratura talabasi
2021-2024 y - Chirchiq shahar Xalq ta’limi bo‘limi tasarrufidagi 10-umumiy o‘rta ta’lim maktabi ingliz tili fani o‘qituvchisi
2024 - yil - Chirchiq davlat pedagogika universiteti ingliz tili o‘qituvchisi
Ilmiy faoliyat
Umarova Ziyoda Ibraxim qizi – ingliz tilini o‘qitish metodikasi sohasida faoliyat yuritayotgan tajribali mutaxassis bo‘lib, uning ilmiy izlanishlari zamonaviy ta’lim yondashuvlariga asoslangan.
Ilmiy qiziqishlari quyidagilarni o‘z ichiga oladi:
Inglizcha anti-maqollar orqali til o‘rganish jarayoniga motivatsiyani kuchaytirishning innovatsion usullari.
Turli yoshdagi o‘quvchilarning psixologik va kognitiv xususiyatlarini hisobga olgan holda til o‘rgatish metodikasining takomillashuvi.
Til o‘rganishda ichki motivatsiyani shakllantirish va samarali strategiyalarni qo‘llash yo‘llari.
Raqamli texnologiyalar asosida onlayn ta’lim usullarini ingliz tili darslariga samarali integratsiya qilish.
Turli til o‘rgatish metodlarining samaradorligini solishtirma tahlil qilish orqali eng optimal yondashuvlarni aniqlash.
Hamkorlikda o‘qitish (kolaborativ ta’lim) asosida o‘quvchilarda til ko‘nikmalarini rivojlantirishning zamonaviy yo‘llari.
Grammatika ta’limining til o‘zlashtirishdagi o‘rni va uning kommunikativ yondashuvlar bilan uyg‘unligi.
Chet tillarini o‘rgatishda didaktik o‘yinlardan foydalanish orqali dars jarayonini faollashtirish va qiziqarli qilish.
Emotsional intellektning til o‘rganish jarayoniga ta’siri va o‘quvchilarning psixologik holatini hisobga olgan metodik yondashuvlar.
Storytelling – hikoya qilish texnologiyasi orqali til ko‘nikmalarini rivojlantirish va madaniy kontekstni singdirish.
Nashr etilgan o‘quv-uslubiy qo‘llanmalar
Monografiya
"The realization of innovative cluster on the basis of continuity principle in teaching foreign languages applying media resources in the system of «kindergarten-school-university»" (2024)
- Chet tillarini o‘qitishda “bog‘liqlik tamoyiliga asoslangan innovatsion klasterni shakllantirish” hamda bolalar bog‘chasidan maktab va universitetgacha bo‘lgan uzluksiz ta’lim tizimida media resurslardan samarali foydalanish yo‘llarini tahlil qiladi.
O'quv qo'llanma
“ Self-study skills” (2025)
- Maktabgacha ta’lim yo‘nalishida tahsil olayotgan talabalarda mustaqil ta’lim olish ko‘nikmalarini shakllantirish va ularni pedagogik faoliyatga tayyorlashga qaratilgan.
