Universitetda “Startup Roadshow” uchrashuvi bo‘lib o‘tdi

     26-fevral kuni Chirchiq davlat pedagogika universitetida talabalar ishtirokida raqamli iqtisodiyot va startap ekotizimini rivojlantirishga bag‘ishlangan uchrashuv bo‘lib o‘tdi. Talabalarni innovatsiyalar olamiga olib kirish va ularning g‘oyalarini real biznes loyihalarga aylantirish masalalariga bag‘ishlandi.

     Uchrashuv davomida startap tashabbuslarini qo‘llab-quvvatlashning amaliy mexanizmlari, mavjud imkoniyat va resurslar yuzasidan atroflicha ma’lumot berildi. Mamlakatda startaplarni rivojlantirish uchun yaratilayotgan sharoitlar, grantlar, inkubatsiya va akseleratsiya dasturlari, shuningdek, g‘oyani shakllantirishdan uni rivojlantirishgacha bo‘lgan bosqichlar yuzasidan taqdimotlar o‘tkazildi.

     Talabalar o‘z g‘oyalari va savollari bilan faol qatnashib, mutaxassislardan amaliy tavsiyalar oldi.

Universitet Axborot xizmati