Usmonova Gulsevar Abdulaziz qizi
Kafedra o‘qituvchisi
1992-yil 17-yanvarda Farg'ona viloyati Beshariq tumanida tug‘ilgan. 2014-yilda Qo‘qon davlat pedagogika institutining "Ingliz tili va adabiyoti yo‘nalishi" bo‘yicha bakalavriat bosqichini muvaffaqiyatli tamomlagan. 2021-yilda Chirchiq davlat pedagogika universitetining "Xorijiy til va adabiyoti" mutaxassisligi bo‘yicha magistrlik darajasini olgan. Hozirda Chirchiq davlat pedagogika universiteti Turizm fakulteti Lingvistika va ingliz tilini o'qitish metodikasi kafedrasi o‘qituvchisi sifatida faoliyat yuritadi.
Ilmiy faoliyat
Usmonova Gulsevar Abdulaziz qizining ilmiy izlanishlari ingliz tilini o‘qitish metodikasi, leksikologiya va mobil ta’lim texnologiyalariga qaratilgan. U zamonaviy pedagogik yondashuvlar yordamida boshlang‘ich sinf o‘quvchilarining so‘z boyligini rivojlantirish va darsdan keyingi mustaqil o‘rganishni qo‘llab-quvvatlash ustida tadqiqotlar olib bormoqda.
Ilmiy qiziqishlari quyidagilarni o‘z ichiga oladi:
- Boshlang‘ich ta’limda ingliz tili so‘z boyligini shakllantirish
- Mobil ilovalar orqali til o‘rgatish (MALL)
- Gamifikatsiya asosida ta’lim samaradorligini oshirish
- Interaktiv metodlar va raqamli vositalar yordamida til o‘qitish
- Darsdan keyingi mustaqil o‘qishni rag‘batlantirish strategiyalari
- O‘quvchilarning til motivatsiyasini oshirish bo‘yicha eksperimental tadqiqotlar
- Ta’limda texnologik innovatsiyalarni joriy etishning psixopedagogik jihatlari
- Ingliz tili o‘qitishda madaniyatlararo kommunikativ yondashuv
Nashr etilgan o‘quv-uslubiy qo‘llanmalar
Darslik
"Country Study", 2024
– Ingliz tilida mamlakatshunoslik asosida yozilgan darslik, talabalarning til va madaniyat kompetensiyasini shakllantirishga xizmat qiladi.
Monografiyalar
"Etymological Peculiarities of English Borrowings" (2025)
– Ingliz tiliga lotin, fransuz va skandinav tillaridan kirib kelgan so‘zlarning etimologik xususiyatlari, tarixiy kontekstdagi semantik o‘zgarishlar, adabiyotdagi aks ettirilishi, hamda yangi etimologik tadqiqot usullari yoritilgan.
"Mechanisms for Integrating Mobile Applications in English Vocabulary Instruction for Young Learners" (Chirchiq, 2025)
–MALL (Mobile-Assisted Language Learning) yondashuvida ingliz tili so‘z boyligini boshlang‘ich sinflarda o‘rgatish mexanizmlari tadqiq qilingan.