📅 11.01.2026 yil
Pedagogika yo‘nalishi vakili xalqaro AI dasturi sertifikatiga ega bo‘ldi
Pedagogika yo‘nalishi vakili Omonova Nilufar Parda qizi Birlashgan Arab Amirliklari va O‘zbekiston Respublikasi hukumatlari hamkorligida amalga oshirilayotgan “Five Million AI Prompters” xalqaro tashabbusi doirasidagi o‘quv dasturini muvaffaqiyatli tamomladi.
Mazkur dastur sun’iy intellekt tizimlari uchun prompt engineering yo‘nalishida bilim va ko‘nikmalarni rivojlantirishga qaratilgan bo‘lib, ishtirokchilarning raqamli savodxonligi va zamonaviy texnologiyalar bilan ishlash kompetensiyalarini oshirishni maqsad qilgan.
Dastur yakunida rasmiy sertifikat topshirildi. Ushbu yutuq pedagog kadrlarning raqamli transformatsiya sharoitida kasbiy salohiyatini oshirish, sun’iy intellekt texnologiyalarini ta’lim jarayoniga samarali joriy etishda muhim ahamiyat kasb etadi.
