Xoldorov Javlonbek Xusanjon o‘g‘li

   “Ilm – insonni baxt-saodatga yetaklaydigan eng to‘g‘ri yo‘ldir”  Insonning haqiqiy baxti moddiy boylikda yoki mansabda emas, balki ilm va aql orqali erishiladigan komillikdadir. Insoniyatning asosiy vazifasi – o‘zini va olamni bilish, shu orqali ma’naviy kamolotga erishishdir. Ilm kishiga hayotda adolatli qaror qabul qilishni, yaxshi-yomonni ajratishni, jamiyatda foydali bo‘lishni o‘rgatadi. Shu sababli u baxt-saodatga eltuvchi yo‘l sifatida ko‘riladi. Dunyoda inson turli yo‘llar bilan saodat izlaydi — boylik, qudrat, shahvat va hokazolar. Ammo bular vaqtinchalikdir. Ilm esa insonni haqiqiy kamolotga, barqaror baxtga eltadi. Xulosa qilib aytganda ilm – insonni jaholat va adashishdan asrab, uni komillik sari yetaklaydigan eng ishonchli vositadir.

Toshkent viloyatida o‘sadigan danak mevali o‘simliklarda (olxo‘ri, o‘rik, gilos, shaftoli va boshqalar) uchraydigan virusli kasalliklarni aniqlash va o‘rganish bo‘yicha ilmiy tadqiqot faoliyati olib borilgan va izlanishlar davom etmoqda. Tadqiqotlarning asosiy maqsadi – mazkur hududda keng tarqalgan viruslarning turlarini aniqlash, ularning ekinlarga ta’sirini baholash va kelgusida ularni bartaraf etish choralarini ishlab chiqishdan iborat.

Olingan natijalar asosida hududiy viruslarning tarqalish xaritasi ishlab chiqildi va xavfli hududlar belgilandi. Bu esa keyingi bosqichda sog‘lom ko‘chat materiallarini tayyorlash, virus tashuvchi hasharotlarga qarshi kurashish va ekinlarni sog‘lomlashtirish bo‘yicha ilmiy-amaliy tavsiyalar ishlab chiqishga asos bo‘ldi.

J.X.Xoldorov tomonidan respublika va xorijiy jurnallarda bir qancha ilmiy maqolalar e’lon qilingan. 

Xoldorov Javlonbek Xusanjon o‘g‘li. Oilaviy holati-bo’ydoq