Xurramov Keldiyor Muradullayevich

Mavzu: “Innovatsion texnologiyalar asosida “Tadbirkorlik asoslari” fanini o‘qitish metodikasini takomillashtirish (10-11 sinflar misolida)” 13.00.02- “Ta’lim va tarbiya nazariyasi va metodikasi” sohalar ixtisosligi bo‘yicha ilmiy ish olib bormoqdaman. 

Ilmiy rahbarim: p.f.n., dotsent Musurmanov Raxmatilla

“Menejment” kafedrasi katta o‘qituvchisi Xurramov Keldiyor Muradullaevichning “Pedagog-tadbirkor” loyihasi 

Zamon o‘zgardi, har bir kasb xodimi layoqati doirasida ishbilarmonlik qilishni ixtiyor etayapti. Chunki, bu davr talabi. Deylik o‘qituvchi pedagogik faoliyati jarayonida turli to‘garaklar orqali bemalol ma’lum bir fanlar bo‘yicha tinglovchilariga mashg‘ulotlar o‘tkazishi mumkin va bunday o‘quv markazlar faoliyatini shahar va tumanlarda ko‘p uchratayapmiz ham. Xalq tilida aytadigan bo‘lsak, bugun o‘qituvchining tirikchilik manbai faqatgina uning oylik maoshi bilan cheklanmaydi. Qaysi bir pedagogda bilim, salohiyat va yana birozgina ishbilarmonlik o‘quvi bo‘lsa bas. Ikkilanmasdan nodavlat tashkilotini ochib, tadbirkorlik qilishi maqsadga muvofiq. Bu borada nodavlat o‘quv markazlari ochib, nonini halollab topayotganlarga «balli» deyish joiz. 

Gapning indallosiga kelsak, siz o‘qituvchisiz, ammo topayotgan daromadingiz oilangiz ehtiyojiga yetmaydi. Boy bo‘lishga hammaning haqqi bor. Xo‘sh, unda ishni nimadan boshlash lozim. Albatta, tadbirkorlik faoliyatingizni qonuniy bo‘lishini istab, uni davlat ro‘yxatidan o‘tkazish shart.

Ushbu loyiha ham mana shu maqsadlarni ko‘zlagan xolatda bo‘lajak pedagoglar ya’ni talabalarni tadbirkorlik faoliyatiga qiziqishini orttirish va o‘z mablag‘larini ishonchli ko‘paytirish haqida bilim va ko‘nikmalar berib borilishi zaminida tashkil qilindi

Mavjud muammolar: 

• Bo‘lajak pedagoglarning tadbirkorlik faoliyatini yuritish va ishlab chiqarishni tashkillashtirishga oid bilimlarining yetarli bo‘lmasligi;

• Talabalarda qolaversa pedagoglarda tadbirkorlik faoliyatini boshlashlari uchun pul mablag‘larining yetarli bo‘lmasligi;

•  Bo‘lajak pedagoglarning tadbirkorlik sohasida tavakkal qilishdan qo‘rqishi va bu sohaga qo‘l urmasligi.

• Tadbirkorlik faoliyatini to‘liq tushunmasdan ishkab chiqarishni boshlab yuborishi va krezis xolatiga tushib qolishi.

Maqsad 

• Talabalarda tadbirkorlik soxasida yetarlicha bilim va ko‘nikmalarni berish va tadbirkorlik faoliyatini boshlashi uchun ko‘maklashish;

  • Pedagoglarning moliyaviy savodxonligini va risk menejmenti haqidagi bilimini oshirish;

  • ishlab chiqarishni yo‘lga qo‘yish;

Amalga oshirish mexanizmi

• “Menejment” yo‘nalishi talabalarining tadbirkorlikka bo‘lgan qiziqish va munosabatlarini aniqlash uchun so‘rovnoma o‘tkazish;

  • “Pedagog - tadbirkor” loyihasi asosan o‘qituvchi shaxsiga tegishli bo‘lib qo‘shimcha daromad olishga qaratilgan xatti-harakatlar majmuyi hisoblanadi. Undan tashqari bu loyihaga tadbirkorlikka layoqati bor bo‘lgan bo‘lajak pedagoglar ya’ni talabalarni ham jalb qilish ko‘zda tutilgan. Bo‘lajak pedagog tadbirkorlar o‘z tadbirkorlik faoliyatlarini yo‘lga qo‘yib yurtimiz ravnaqi uchun o‘z hissalarini qo‘shishlarida yordam berishdir.

• Menejment kafedrasi qoshida tashkil etilgan “Pedagog-tadbirkor" loyihasi faollari bilan debat o‘tkazildi. Bo‘lajak menejerlar bahsida nufuzli tadbirkorlar qatnashdi. Tadbirkorlar Ibrohim Tursunov, Davron Risqulov va Aziz Farmonovlar bo‘lajak ta’lim menedjerlariga xavf-xatarlarni xolis baholash, boshlang‘ich mablag‘lari hisobiga biznesni qurish, moliyaviy ko‘maklar, innovatsion boshqarish yuzasidan fikr berdi. O‘z tajribalari bilan o‘rtoqlashdi.

Kutilyotgan natijalar

• Pedagoglarning oylik maoshidan tashqari qo‘shimcha daromad olishlarini ta’minlash va ishlab chiqarishni yo‘lga qo‘yish;

  • Tadbirkorlik faoliyati orqali mamlakatimiz taraqqiyotiga hissa qo‘shish va yalpi ichki mahsulotning oshishiga o‘z hissasini qo‘shish;

  • Bo‘lajak pedagoglarning moliyaviy erkinlikka erishib o‘z ehtiyojlarini qondirishi.