Boshlang'ich ta'lim fakulteti

Boshlang‘ich ta’lim fakulteti haqida

Chirchiq davlat pedagogika universitetining Boshlang‘ich ta’lim fakulteti 2021-yil 23-avgustda Maktabgacha va boshlang‘ich ta’lim fakultetidan ajralib chiqib tashkil etilgan. O‘shandan buyon u o‘quv-uslubiy, ilmiy, ma’naviy-ma’rifiy jarayonlarda mustaqil faoliyat yuritmoqda.

Bugungi kunda fakultetda jami 3360 nafar talaba zamonaviy jihozlangan auditoriya va laboratoriya xonalarida tahsil oladi. Jumladan:

• Kunduzgi bakalavriat ta’lim yo‘nalishlarida 1024 nafar talaba.
• Kunduzgi magistratura ta’lim yo‘nalishlarida 14 nafar talaba.
• Sirtqi ta’lim (2-OT) yo‘nalishi asosida 1985 nafar talaba.
• Kechki ta’limda 337 nafar talaba.

Fakultetda jami 47 nafar professor-o‘qituvchilar faoliyat yuritmoqda, ulardan:

• 3 nafar fan doktori, professor.
• 12 nafar fan nomzodi, dotsent.

Fakultetning maqsadi va vazifalari

Fakultet missiyasi: Boshlang‘ich ta’lim metodikasi va nazariyasini jamiyat rivojiga mos ravishda rivojlantirib borish.

Fakultet maqsadi:

• Boshlang‘ich ta’lim yo‘nalishi bo‘yicha professional boshlang‘ich sinf o‘qituvchilarini tayyorlash.
• Boshlang‘ich ta’limning o‘quv va ilmiy muammolari bo‘yicha texnologik ilmiy-metodik ishlanmalar yaratish.
• Xalqaro darajadagi o‘qituvchilar tayyorlash orqali fakultet imidjini oshirish.
• Ta’limning muayyan maqsadga qaratilganligi va unga muvofiq kelishini o‘zida aks ettirgan, ta’limning ijtimoiy xususiyati, jamiyat hayotidagi ahamiyatini ochib beradigan, uning yo‘nalishi, mazmuni, shakl va usullarini belgilab beradigan ijtimoiy-pedagoglarni tayyorlash.

Boshlang‘ich ta’lim fakultetining strategik rivojlantirish dasturlari

• Boshlang‘ich ta’lim fakultetining strategik rivojlantirish dasturi (2024-2030 yillar uchun).
• Boshlang‘ich ta’lim fakultetining strategik rivojlantirish dasturi (2025 yil uchun).

Ilmiy tadqiqotlar

Fakultet ilmiy tadqiqotlarni faol qo‘llab-quvvatlaydi, jumladan:

• Fakultet o‘qituvchilarining ta’lim, texnologiya va uyg‘un yondashuvlar bo‘yicha zamonaviy pedagogik muammolarni tadqiq etishga yo‘naltirilgan dissertatsiyalari himoyalarini tashkil qilish va ularning metodik tadqiqot ishlarini rivojlantirish.
• Fakultet o‘qituvchilarining ilmiy-tadqiqot ishlarida didaktik muammolarni yangicha hal qilishga yo‘naltirilgan metodik yondashuvlarni ishlab chiqish, "CLIL-laboratoriyasi" asosida boshlang‘ich sinf o‘quvchilariga chet tillarini interaktiv o‘rgatish va bolalar adabiyotini o‘qitishni zamonaviy yondashuvlar asosida takomillashtirish metodikasi.
• Fakultet professor-o‘qituvchilarining ilmiy maqola va monografiyalarida ta’limning pedagogik, psixologik va texnologik asoslaridan foydalanish yo‘nalishlarini belgilab borish.
• Fakultet professor-o‘qituvchilarining shaxsni shakllantirishga doir individual metodikalarini ishlab chiqishni amalga oshirib borish.

Fakultetning xalqaro hamkorlik aloqalari

Boshlang‘ich ta’lim fakulteti quyidagi xalqaro hamkorlar bilan mustahkam aloqalarni saqlaydi:

• Universiti Pendidikan Sultan Idris (Malayziya).
• Muxtor Auezov nomidagi Janubiy Qozog‘iston davlat universiteti (Qozog‘iston).
• Abay nomidagi Qozog‘iston milliy pedagogika universiteti (Qozog‘iston).