2025-yil 12-24-oktyabrda O‘zbekiston Respublikasi Prezidentining 2025-yil 28-apreldagi PF–73-sonli Farmoni doirasida pedagogika oliy ta’lim muassasalarining bir guruh professor-o‘qituvchilari Cambridge University Press & Assessment bilan hamkorlikda tashkil etilgan “Raising Awareness of Alternatives” deb nomlanga qisqa muddatli malaka oshirish dasturini muvaffaqiyatli yakunladilar.
12-oktyabr kuni kechki payt biz London Gatwick aeroportiga yetib keldik va shu yerdan Cambridge shahriga avtobusda yo‘l oldik. Yo‘l davomida Buyuk Britaniyaning sokin manzaralari, tartibli yo‘llari va tarixiy shaharlaridan o‘tib, ilm va innovatsiya markazi sanalgan Cambridgega yetib bordik va shahar poyezd stansiyasi yonida Ibis mehmonxonasiga joylashdik.
13.10.2025 soat 13:00 da Bizni Luc Moreau ismli Cambridge University Press & Assessment xodimi mehmonxonamiz eshigidan kutib olib, dasturimiz o‘tkaziladigan joy — Triangle Building binosiga olib bordi. U samimiy kutib oldi va bizga Cambridgedagi dastlabki kunimizni boshlash uchun zarur ma’lumotlarni berdi.
Triangle Building binosi. (Cambridge University Press & Assessment, The Triangle Building, Shaftesbury ko'chasi, CB2 8AA Cambridge.)
Dasturning birinchi kuni Cambridge Press & Assessment tashkilotida rasmiy kutib olish marosimi bilan boshlandi.
So‘ng Lauren Harris, Professional Development bo‘limi rahbari, ta’limda professional rivojlanish va xalqaro hamkorlik haqida taqdimot o‘tkazdi.
Taqdimot mazmuni quyidagicha:
Cambridge PDQ — O‘qituvchilar va rahbarlar uchun xalqaro rivojlanish yo‘li
Bugungi kunda ta’lim sifatini oshirishda eng muhim omillardan biri — bu o‘qituvchi va rahbarlarning uzluksiz kasbiy rivojlanishidir. Shu maqsadda Cambridge International tashkiloti tomonidan ishlab chiqilgan Professional Development Qualifications (PDQ) dasturi butun dunyoda o‘qituvchilar uchun yangi bosqichni ochmoqda.
PDQ nima?
Cambridge PDQ — bu xalqaro miqyosda tan olingan professional malaka dasturi bo‘lib, o‘qituvchi va ta’lim rahbarlariga:
o‘qitish, o‘rganish va rahbarlik sifatini oshirish,
xalqaro standartlarga mos tajriba orttirish,
o‘z amaliyotini tahlil qilish va takomillashtirish,
kasbiy hamjamiyatda faol ishtirok etish imkonini beradi.
PDQ dasturlari yo‘nalishlari
Cambridge quyidagi sohalarda sertifikat va diplom dasturlarini taklif etadi:
Teaching and Learning — o‘qitish va o‘rganish jarayonini takomillashtirish.
Teaching with Digital Technologies — raqamli texnologiyalar asosida ta’lim berish.
Teaching Bilingual Learners — ikki tilda o‘qitish amaliyotini rivojlantirish.
Educational Leadership — ta’lim muassasalari rahbarlari uchun liderlik ko‘nikmalarini oshirish.
Early Years Good Practice — maktabgacha ta’limda ilg‘or yondashuvlarni o‘rganish.
Classroom Practice — yangi o‘qituvchilar uchun boshlang‘ich amaliy malaka sertifikati.
PDQ dasturining afzalliklari
Moslashuvchan — markazlar o‘z ehtiyojlariga ko‘ra tashkil etadi.
Amaliyotga asoslangan — o‘qituvchilar haqiqiy dars tajribasini tahlil qiladi.
Xalqaro tan olingan — ECCTIS (Buyuk Britaniya) tomonidan malaka darajasi sifatida e’tirof etilgan.
Mentorlik tizimi mavjud — tajribali mutaxassislar bilan hamkorlikda o‘rganish imkonini beradi.
Hamjamiyat yaratadi — o‘qituvchilar bir-biri bilan tajriba almashib, refleksiya va hamkorlikni rivojlantiradi.
O‘qish jarayoni qanday?
Har bir PDQ dasturi 150 soatlik o‘quv yuklamani o‘z ichiga oladi:
50 soat – yo‘naltirilgan o‘qish va treninglar,
50 soat – individual va jamoaviy o‘rganish,
50 soat – ish joyida amaliyot, mentorlik va refleksiya.
Batafsil ma'lumot quyidagi linkda: https://www.cambridgeinternational.org/support-and-training-for-schools/professional-development/professional-development-qualifications/
Shuningdek, Daniel Morrish tomonidan UNICEF O‘zbekiston bilan hamkorlikdagi o‘quv dasturlari va baholash tizimini takomillashtirish loyihasi haqida zoom orqali o'z fikrlarini bildirdi.
Chris Brown va Nivedita Bose Cambridge Professional Development Qualifications (PDQs) dasturining mazmuni, tuzilishi va afzalliklarini tanishtirdilar.
Ushbu dastur o‘qituvchilarning xalqaro tajriba asosida o‘sishi, o‘z amaliyotini tahlil qilishi va ta’lim sifatini oshirishi uchun keng imkoniyat yaratishini ta’kidlashdi.
Tashrif yakunida savol-javob va ochiq muhokama o‘tkazilib, o‘zaro fikr almashuvlar orqali hamkorlik ruhida kechdi. Kun yakunida esa tashkilot ramzi yonida tashkilotchilar bilan birgalikda rasmga tushildi.
Bu esa Cambridge’dagi dasturimizning birinchi kuni edi — safarimiz endigina boshlandi.
Oldinda bizni o‘qituvchilarning professional rivojlanishi, ta’limdagi innovatsion yondashuvlar va xalqaro tajriba almashuvlariga bag‘ishlangan qiziqarli kunlar kutmoqda.
Keyingi postlarimda har bir kun davomida orttirgan tajribalarim, o‘rganilgan yangi g‘oyalar va Cambridge’dagi ta’lim muhitidan olgan taassurotlarim bilan siz bilan bo‘lishaman.
📌 Universitet yangiliklarini kuzatib boring — Cambridge safarining navbatdagi taassurotlari bilan tez orada qaytaman!
