Doktorantlar Maktabi
O‘zbekiston Respublikasi Oliy va o‘rta maxsus ta’lim vazirining 2019-yil 26-iyundagi 572-sonli buyrug‘iga asosan, oliy o‘quv yurtidan keyingi ta’lim samaradorligini oshirish maqsadida tashkil etilgan.
Maktabning Asosiy Maqsadi
Falsafa doktori (PhD) va fan doktori (DSc) ilmiy darajalarini olish bo‘yicha ilmiy-tadqiqotlarni tashkil etishda doktorantlar va mustaqil izlanuvchilarga uslubiy va texnikaviy yordam ko‘rsatish, dissertatsiyalarni o‘z vaqtida himoya qilishini va himoya ko‘rsatkichlarini oshirishni ta’minlash.
Doktorantlar maktabining vazifalari
Uslubiy qo‘llab-quvvatlash
Doktorantlar va mustaqil izlanuvchilarni ilmiy-tadqiqot jarayonlarini amalga oshirish uslubiyoti to‘g‘risidagi ma’lumotlar bilan ta’minlash hamda ilmiy-tadqiqotlarning nazariy-uslubiy dasturlarini ishlab chiqishga yordam berish.
Hujjatlar va Rasmiylashtirish
Ilmiy-tadqiqot sohasidagi normativ hujjatlar bilan tanishtirish. O‘zbekiston Respublikasi OAK talablariga muvofiq ilmiy ishlarni (dissertatsiya, monografiya) rasmiylashtirishga ko'maklashish.
Xalqaro Hamkorlik va Nashr
Xalqaro nufuzli nashrlarda ilmiy natijalarni chop etishga markazlashgan holda yordam ko‘rsatish. Xalqaro ma’lumotlar bazalari (Scopus, WoS) bilan ishlash bo‘yicha seminarlar tashkil etish.
Ta'lim va Konferensiyalar
Doktorantlar ehtiyojidan kelib chiqib xorijiy til kurslarini tashkil etish. Ilmiy konferensiyalarda ishtirok etishni rejalashtirish va tashkillashtirish.
Texnik Ta'minot
Doktorantlarni ish joyi, zamonaviy kompyuterlar, yuqori tezlikdagi internetga ulanish, kerakli orgtexnika va zaruriy materiallar bilan ta’minlash.
Monitoring va Raqamli Tizim
Faoliyat natijalarini baholash va monitoring qilish. Doktorantlar maktabi sayti va elektron tizimi orqali ilmiy rahbarlar bilan tezkor axborot almashinuvini yo'lga qo'yish.
Maktab faoliyati "Doktorantlar maktabi to‘g‘risida nizom"ga muvofiq amalga oshiriladi.