Doktorantlar maktabi

Doktorantlar maktabi: Chirchiq davlat pedagogika institutida ilmiy tadqiqotlarni qo'llab-quvvatlash

O‘zbekiston Respublikasi Oliy va o‘rta maxsus ta’lim vazirining 2019-yil 26-iyundagi 572-sonli buyrug‘iga asosan, Toshkent viloyati Chirchiq davlat pedagogika institutida oliy o‘quv yurtidan keyingi ta’lim samaradorligini oshirish maqsadida “Doktorantlar maktabi” tashkil etildi. Bu maktabning asosiy vazifasi doktorlik dissertatsiyalarining o‘z vaqtida himoya qilinishini va himoya ko‘rsatkichlarining oshirilishini ta’minlashdir. Maktab faoliyati **“Doktorantlar maktabi to‘g‘risida nizom”**ga muvofiq amalga oshiriladi.

“Doktorantlar maktabi”ning maqsadi:

Falsafa doktori (PhD) va fan doktori (DSc) ilmiy darajalarini olish bo‘yicha ilmiy-tadqiqotlarni tashkil etish va amalga oshirishda doktorantlar va mustaqil izlanuvchilarga uslubiy va texnikaviy yordam ko‘rsatish orqali ularning dissertatsiyalarini o‘z vaqtida himoya qilishini va himoya ko‘rsatkichlarini oshirishni ta’minlash.

“Doktorantlar maktabi”ning vazifalari:

Doktorantlar va mustaqil izlanuvchilarni ilmiy-tadqiqot jarayonlarini amalga oshirish uslubiyoti to‘g‘risidagi ma’lumotlar bilan ta’minlash.
Ilmiy-tadqiqotlarning nazariy-uslubiy dasturlarini ishlab chiqishga yordam ko‘rsatish.
Ilmiy-tadqiqot sohasidagi normativ hujjatlar bilan tanishtirish.
Doktorantlar va mustaqil izlanuvchilarning ehtiyojlarini muntazam o‘rganish va xorijiy tillar bo‘yicha kurslarni tashkil etish.
Ilmiy-tadqiqot ishlarini olib borish va rasmiylashtirish tartiblarini o‘rgatish hamda ularni amalga oshirish ko‘nikmalarini shakllantirish.
Tayanch doktorantlar, doktorantlar va mustaqil izlanuvchilarning ilmiy konferensiyalarda ishtirok etishini rejalashtirish va tashkillashtirish.
Doktorantlar va mustaqil izlanuvchilarga xalqaro nufuzli nashrlarda ularning ilmiy-tadqiqot natijalarini chop etishga markazlashgan holda yordam ko‘rsatish.
Ilmiy-tadqiqot natijalarini (dissertatsiya, monografiya, ilmiy ma’ruzalar va h.k.) rasmiylashtirishga uslubiy yordam ko‘rsatish.
Doktorantlarni ish joyi, kompyuter, internetga ulanish, kerakli orgtexnika va zaruriy materiallar bilan ta’minlash.
Xalqaro ilmiy-texnikaviy ma’lumotlar bazalari bilan ishlash ko‘nikmalarini rivojlantirishga qaratilgan seminarlarni tashkil etish.
O‘zbekiston Respublikasi OAK normativ hujjatlariga muvofiq ilmiy-tadqiqot ishlarini rasmiylashtirish bo‘yicha maslahatlar berish.
Doktorantlar maktabi sayti va elektron pochtalarini yaratish orqali doktorantlar, ilmiy rahbar va maslahatchilar o‘rtasida axborotlarning elektron almashinuvini tashkil etish.
Tayanch doktorantlar, doktorantlar va mustaqil izlanuvchilarning ilmiy-tadqiqot faoliyati natijalarini baholash, yillik reja bajarilishini monitoring qilish, ilmiy-tadqiqot ishlarini bajarishda mavjud muammolarni aniqlash va ularni yechimini topish bo‘yicha so‘rovnomalar o‘tkazish.