Eshnayev Nortoji Jumayevich

2003 yildan boshlab Toshkent shahar hokimiyati Mehnat va aholini ijtimoiy muhofaza qilish bosh boshqarmasi bosh mutaxassisi,  2004 yil O‘zbekiston Respublikasi Mudofaa Vazirligi Kadrlar bosh boshqarmasi Kasbiy psixologik tanlash markazi bosh mutaxassis, 2010 yil Toshkent Arxitektura qurilish instituti katta o‘qituvchisi va dotsenti, 2014 yil Toshkent Avtomobil yo‘llar instituti  katta o‘qituvchisi, 2015 yil Yakkasaroy tuman Bandlikka ko‘maklashish va aholini ijtimoiy himoya qilish markazi direktor o‘rinbosari, 2015 yil Bektemir tuman Bandlikka ko‘maklashish va aholini ijtimoiy himoya qilish markazi direktori, 2017 yil M.Ulug‘bek tumani Politexnika kasb-hunar kolleji direktori, 2019-2022 yillarda Toshkent viloyati Chirchiq davlat pedagogika instituti, Psixologiya  kafedrasi dotsenti. 2022-2024 yillarda  Chirchiq davlat pedagogika universiteti, Pedagogika fakulteti,  Psixologiya  kafedrasi dotsenti, 2025 yildan  Chirchiq davlat pedagogika universiteti, Pedagogika fakulteti,  Psixologiya  kafedrasi mudiri lavozimida faoliyat olib bormoqda.

Eshnaev Nortoji Jumaevich - Chirchiq davlat pedagogika universiteti Pedagogika fakulteti Psixologiya kafedrasi dotsenti. U 10 yildan ortiq pedagogik tajribaga ega bo‘lib, ta’lim, ilm-fan va tarbiya sohalarida faoliyat yuritib kelmoqda.

U “Ijtimoiy psixologiya”, “Psixokorreksiya”, “Psixodiagnostika va psixokorreksiya”, “Psixologik xizmat asoslari”, “Umumiy psixologiya” kabi fanlardan ma’ruza, amaliy va seminar mashg‘ulotlarini olib boradi. Ta’lim jarayonida zamonaviy axborot texnologiyalari va shaxsga yo‘naltirilgan yondashuv asosida ta’limni tashkil etadi.

N.J.Eshnaev yuqori malakali mutaxassis sifatida respublikadagi oliy ta’lim muassasalarida uslubiy yordam ko‘rsatishda ham ishtirok etib keladi. U hammualliflikda “Umumiy psixologiya”, “Sotsial psixologiya”, “Kreativ pedagogika”, “Pedagogik kompetentlik”, “Boshqaruv va ijtimoiy sohalarda psixologik xizmat” kabi darslik va o‘quv qo‘llanmalarni nashr ettirgan.

Ilmiy tadqiqot ishlarida ham faol ishtirok etadi. Respublika va universitet miqyosidagi ilmiy-amaliy konferensiyalarda muntazam ravishda maqolalar bilan ishtirok etadi.

2021–2025 o‘quv yilida magistrlar ishtirokida Chirchiq shahridagi 8-sonli maktabda amalga oshirilgan laboratoriya ishlariga rahbarlik qilgan. Bu jarayonda olingan natijalar asosida BMI va MD mavzulari bo‘yicha aniq tavsiyalar ishlab chiqilgan.

Kafedradagi “Ustoz – shogird” tizimi doirasida iqtidorli talabalar bilan samarali ish olib boradi hamda talabalarni davlat va universitet stependiyasi va grantlarda ishtirokni amalga oshirishda rahbarlik qilib kelmoqda.Shuningdek, o‘quv dasturlari, uslubiy majmualar va faoliyat rejalarini ishlab chiqishda faol ishtirok etadi.

Turli tashkilotlarda “Mahorat darslari” va ochiq darslar o‘tkazib, tashakkurnomalar bilan taqdirlangan. U mas’uliyatli, tashabbuskor va talabchan ustoz sifatida jamoa orasida hurmat qozongan.

N.J.Eshnaev ilmiy faoliyati davomida “Psixologiya” kafedrasini o‘quv-uslubiy ishlar bilan ta’minlashda samarali qatnashib kelmoqda, jumladan, 3 ta o‘quv qo‘llanma va 3 ta darslikni ham mualliflikda hamda 1 ta monografiya yakka mualliflikda nashr qilgan, shuningdek, 50 dan ortiq ilmiy nashrlar muallifi. 

Bugungi kunda Eshnayev Nortoji Jumayevich Nizomiy nomidagi O‘zbekiston milliy pedagogika universiteti mustaqil tadqiqotchisi bo‘lib, 19.00.05 – Ijtimoiy psixologiya. Etnopsixologiya ixtisosligi bo‘yicha fan doktori (DSc) ilmiy darajasini olish uchun “Innovatsion ta'lim muhitida talabalar koping strategiyasini faollashtirish asosida mobil mutaxassislar tayyorlashning ijtimoiy-psixologik mexanizmlari”  mavzusida  ilmiy tadqiqot ishini olib bormoqda.

 Universitet fakultetlarining jozibadorligini oshirishda o‘z taklif va tavsiyalari bilan faol qatnashib, bir qator loyihalar faoliyatida
samarali mexanizmlarni joriy etishda qatnashib kelmoqda. Pedagogika
fakulteti jozibadorligini ta’minlash va ilmiy jihatdan asoslash
maqsadida “Globalizatsiya sharoitida talaba-yoshlarni ahloqiy tarbiyasini shakllantirishning samarali yo‘llari (diagnostika, psixokorreksiya, rivojlanish)” loyihasining dastlabki nazariy va metodik asoslarini ishlab chiqdi.

Shuningdek, N.J.Eshnaev respublika va xalqaro ilmiy grant loyihalar tayyorlashda faol ishtirok etib, Toshkent viloyati Chirchiq davlat pedagogika instituti 2022 yil 31-oktabr 4-sonli Kengashida   muhokama etilib, 2022 yil 22-dekabrda 01/3701-son bilan Oliy ta’lim, fan va innovatsiyalar vazirligi qoshidagi Innovatsion rivojlanish agentligiga yuborilgan “Innovatsion ta’lim klasterida “Kasb tanlash va yo‘naltirish” tizimining reformatik loyihasini yaratish” mavzusidagi ilmiy loyiha asoschisi hisoblanadi. 2024 yilda “Oilaviy ajrimlarning innovatsion psixoprofilaktiksi hamda inqirozli oilalardagi bolalarni qo‘llab–quvvatlashning ijtimoiy pedagogik-psixologik mexanizminiyaratish” mavzusida tayyorlangan respublika miqyosidagi grant loyiha asoschisi hamda 2024 yilda “Turkiy millatlar sivilizatsiyasi va bunyodkor turkiy tafakkur assimiliyatsiyasini oila institutini mustahkamlash orqali pedagogik-psixologik muvofiqlashuv mexanizmi” mavzusida tayyorlangan xalqaro darajadagi ilmiy loyiha asoschisi bo‘lib, mazkur loyihalar tanlovda ishtirok etish uchun taqdim etilgan.

N.J.Eshnaev - faol ijtimoiy va ma’naviy-tarbiyaviy ishlarda ishtirok etuvchi, tajribali psixolog-pedagog.U 2018 yildagi PQ-3898-sonli qaror asosida tashkil etilgan ma’naviy-ma’rifiy tadbirlarda muntazam ishtirok etib keladi. Xususan, 2021 yil 16 noyabrda Chirchiq HHM harbiy shaharchasida harbiy xizmatchilar psixologiyasiga bag‘ishlangan konferensiyada ma’ruza qilgan va tashakkurnoma bilan taqdirlangan.

2021 yilda “Talabalarning ijtimoiy-psixologik portretini yaratish” dasturi doirasida 4726 nafar talabani qamrab olgan so‘rovnoma o‘tkazib, ijtimoiy, intellektual va kasbiy holat bo‘yicha tahlillar asosida taklif va tavsiyalar ishlab chiqqan. 2022 yilda 62608-harbiy qismda “Suitsid holatlarining oldini olish” mavzusida ma’ruza va psixoprofilaktik davra suhbatlari tashkil qilgan.

2022 yil may oyida talabalar turar joyida ma’naviy muhitni o‘rganish maqsadida o‘tkazilgan so‘rov natijalari asosida tahliliy va amaliy tavsiyalar bergan. 2023 yilda talabalarning diniy va dunyoviy faollik darajasini o‘rgangan so‘rov muallifi sifatida ijtimoiy kayfiyat, fikrlar va muammolar yuzasidan pedagogik-psixologik tavsiyalar ishlab chiqqan.

N.J.Eshnaev talabalarni turar joy bilan ta’minlash, ijtimoiy himoyaga muhtoj yoshlarni qo‘llab-quvvatlashda faol qatnashadi. U TTJda ma’naviy-ma’rifiy tadbirlar, kafedra haftaliklari va davra suhbatlarida doimiy ishtirok etadi, talabalar bilan ishlashda mas’uliyatli yondashuv ko‘rsatadi.

2019–2023 yillarda TTJda talabalarga ijtimoiy-psixologik treninglar o‘tkazib, ularning o‘quv motivatsiyasini oshirishga xizmat qilgan.

Shuningdek, “Ochiq osmon ostidagi maktab” loyihasida faol ishtirok etib, psixologiya yo‘nalishidagi talabalarni tayyorlash, imkoniyati cheklangan bolalar va oilalarga psixologik xizmat ko‘rsatish, diagnostika, motivatsiya va trening mashg‘ulotlarini amalga oshirgan.

Ushbu loyiha doirasida:

• nogiron bolalarga va ularning ota-onalariga;

• o‘tish davridagi o‘smirlarga;

• inqirozli oilalarga;

• virtual qaramlikdan jabr ko‘rganlarga;

• ijtimoiy yordamga muhtoj xotin-qizlarga;

• uyushmagan yoshlarga mo‘ljallangan keng qamrovli psixologik konsultatsiyalar, diagnostika va treninglar amalga oshirgan.

Shu orqali, jamiyatda ijtimoiy faollikni oshirish, pedagogik yondashuvni takomillashtirish va yoshlar bilan ishlash samaradorligini ta’minlashga qo‘shgan hissasi katta.