Globallashuv jarayonlari, raqamli transformatsiya va bilimga asoslangan jamiyat qurilishi 21-asr ta’limiga yangi talablar qo‘ymoqda. Bugungi kunda ta’lim jarayoni faqatgina bilim berish bilan cheklanib qolmasdan, balki o‘quvchilarda muayyan universal kompetensiyalarni, ya’ni kreativlik, tanqidiy fikrlash, samarali muloqotga kirishish va jamoada ishlash (4K – kreativlik, kritikal tafakkur, kommunikatsiya, kooperatsiya) ko‘nikmalarini shakllantirishga qaratilishi zarur. Mazkur kompetensiyalar shaxsning ijtimoiy hayotga tayyorligini ta’minlovchi kalit omillar sifatida ko‘rilmoqda.