Pedagogika fanlari bo‘yicha falsafa doktori (PhD) ilmiy darajasini beruvchi PhD.01/2025.27.12.Ped.04.03 raqamli Ilmiy kengash;
O‘zbekiston Respublikasining «Ilm-fan va ilmiy faoliyat to‘g‘risida»gi Qonuni, «O‘zbekiston Respublikasi Vazirlar Maxkamasi huzuridagi Oliy attestatsiya komissiyasi to‘g‘risidagi nizom» va «Ilmiy darajalar beruvchi ilmiy kengash to‘g‘risidagi nizom» asosida O‘zbekiston Respublikasi Oliy ta’lim, fan va innovatsiyalar vazirligining murojaatiga ko‘ra OAK Pedagogik texnologiyalar va tadqiqotlar bo‘yicha ekspert kengashi tavsiyasiga muvofiq OAK Rayosatining 2025 yil 27 dekabrdagi 379/2-son qaroriga asosan tashkil etilgan.
1. Ilmiy kengash tarkibi
Foto | Kengash a’zolarining F.I.Sh. | Ilmiy darajasi va unvoni | Kengashdagi vazifasi | Faoliyat olib borayotga tashkiloti va lavozimi |
![]() | Qodirova Feruza Usmonovna
| pedagogika fanlari doktori (DSc), professor | rais | Chirchiq davlat pedagogika universiteti, Maxsus pedagogika kafedrasi mudiri Tel:94 653-23-20 |
![]() | Ernazarova Gulnora Oblakulovna
| pedagogika fanlari doktori (DSc), professor | rais o‘rinbosari | Chirchiq davlat pedagogika universiteti, Pedagogika kafedrasi professori
|
![]() | Qodirov Ikrom Davronovich
| pedagogika fanlari bo‘yicha falsafa doktori (PhD) | ilmiy kotib | Chirchiq davlat pedagogika universiteti, Pedagogika kafedrasi mudiri, Tel: 99 857-24-17 |
![]() | Abdullayeva Gavhar Saparovna | pedagogika fanlari doktori (DSc), professor | a’zo | Chirchiq davlat pedagogika universiteti, Maxsus pedagogika kafedrasi professori |
![]() | Abidova Nilufar Zakirovna | pedagogika fanlari doktori (DSc), professor | a’zo | Nizomiy nomidagi O‘zbekiston milliy pedagogika universiteti, kafedra professori |
![]() | Axmedjonov Dilmurod Gʻulomovich | texnika fanlari doktori (DSc), professor | a’zo | MISiS Milliy texnologik tadqiqotlar universiteti, kafedra professori
|
![]() | Eshimov Raxmon Rustamovich | pedagogika fanlari boʻyicha falsafa doktori (PhD), dotsent | a’zo | Toshkent davlat iqtisodiyot universiteti Samarqand filiali, kafedra dotsenti
|
![]() | Kayumova Nasiba Ashurovna | pedagogika fanlari doktori (DSc), professor | a’zo | Axborot texnologiyalari va menejment universiteti, Pedagogika kafedrasi professori
|
![]() | Qorayev Samariddin Barakayevich | pedagogika fanlari doktori (DSc), professor | a’zo | Chirchiq davlat pedagogika universiteti, Pedagogika kafedrasi professori
|
![]() | Xakimova Muxabbat Fayziyevna | pedagogika fanlari doktori (DSc), professor | a’zo | Toshkent davlat iqtisodiyot universiteti, kafedra professori
|
![]() | Xoliqov Azamat Qaxramonovich | pedagogika fanlari doktori (DSc), dotsent | a’zo | Axborot texnologiyalari va menejment universiteti, kafedra dotsenti
|
![]() | Sariev Rustam Bobomuradovich | pedagogika fanlari boʻyicha falsafa doktori (PhD), dotsent | a’zo | Buxoro davlat texnika universiteti “Axborot kommunikasiya texnologiyalari” kafedrasi dosenti, |
![]() | Ximmataliyev Do‘stnazar Omonovich | pedagogika fanlari doktori (DSc), professor | a’zo | Chirchiq davlat pedagogika universiteti,”Maxsus pedagogika” kafedrasi professori
|
![]() | Egamberdieva Nigora Azizovna | pedagogika fanlari boʻyicha falsafa doktori (PhD) | a’zo | Chirchiq davlat pedagogika universiteti, “Maxsus pedagogika” kafedrasi katta o‘qituvchisi
|
Quyidagi ixtisosliklar bo‘yicha dissertatsiyalar himoyasini o‘tkazishga ruxsat berilgan:
13.00.03–Maxsus pedagogika;
13.00.06–Raqamli ta'lim nazariyasi va metodikasi;
2. Dissertatsiya himoyasi jarayoni
- Dissertatsiya himoya qilish tartibi (bosqichma-bosqich yo‘riqnoma, hujjat topshirish va muddatlar).
Oliy attestatsiya komissiyasi Rayosatining 2017 yil 31 maydagi 239/3-son qarori bilan tasdiqlangan “Ilmiy darajalar beruvchi ilmiy kengash to‘g‘risida”gi NIZOMga muvofiq amalga oshiriladi.
1. Dissertatsiya bajarilgan muassasa tomonidan dissertatsiyani dastlabki ekspertizadan o‘tkazish natijalari bo‘yicha ijobiy xulosa berilganda, izlanuvchi tomonidan Ilmiy kengashga mazkur Nizomning 2-ilovasida keltirilgan hujjatlar elektron shaklda dastlab belgilangna platforma orqali kengash faoliyat olib borayotgan tashkilotga taqdim etiladi.
2. Ilmiy kengash tomonidan dissertatsiya dastlabki ekspertizadan o‘tkazish uchun qabul qilib olingandan so‘ng, Ilmiy seminarga yuboriladi.
3. Izlanuvchi tomonidan hujjatlar topshirilgan kundan e’tiboran falsafa doktori (PhD) ilmiy darajasini olish uchun dissertatsiya 2 oy ichida, fan doktori (DSc) ilmiy darajasini olish uchun dissertatsiya esa 3 oy ichida Ilmiy kengash tomonidan dastlabki ekspertizadan o‘tkaziladi.
4. Dissertasiya ishi dastlabki ekspertizadan ijobiy xulosa olgandan so’ng Ilmiy kengash raisining (yoki o’rinbosarining) yo’llanma xati bilan Ilmiy kengash kotinidan ilmiy seminarga yuboriladi.
5. Ilmiy seminar tomonidan dissertatsiya shun kundan ro’yxatga olinadi hamda Ilmiy seminar a’zolaridan yoki boshqa mutxassis-olimlar orasidan 2 nafar taqrizchi tayinlanadi.
6. Taqrizchilar dissertatsiya bilan tanishib chiqib, taqrizlarini falsafa doktori (PhD) ilmiy darajasini olish uchun 15 kun ichida, fan doktori (DSc) ilmiy darajasini olish uchun esa 1 oy ichida Ilmiy seminar ilmiy kotibiga taqdim etadi. Izlanuvchi Ilmiy seminar majlisidan kamida 5 kun oldin Ilmiy seminar ilmiy kotibi tomonidan taqrizlar bilan tanishtirilishi lozim.
7. Ilmiy seminar ishi majlis shaklida tashkil etiladi. Majlisning kun tartibi uning a’zolariga majlis o‘tkazilishidan kamida 5 kun oldin Ilmiy seminar ilmiy kotibi tomonidan tarqatiladi hamda Ilmiy kengash faoliyat ko‘rsatib turgan muassasa veb-saytida e’lon qilinadi.
8. Ilmiy seminar majlisida belgilangan tartibda dissertatsiya ishi muhokamadan o’tkazilgandan so’ng, “dissertatsiya himoyaga tavsiya etilsin” yoki “dissertatsiyani qayta ishlash tavsiya etilsin” tarzidagi u yoki bu xulosa qilinadi va bu xulosa ochiq ovoz berish orqali qabul qilinadi.
9. Agarda Ilmiy seminar majlisida dissertatsiya ish himoyag atavsiya etilsin degan qaror qabul qilinsi, Ilmiy seminar bayonnomasi shakllantiriladi hamda ish keyingi boshqichga tavsiya etiladi.
10. Ilmiy seminar oxirida dissertatsiya bo‘yicha “dissertatsiyani qayta ishlash tavsiya etilsin” xulosasini qabul qilsa, Ilmiy kengash rasmiy xat bilan ish bajarilgan muassasaga dissertatsiyani qaytaradi (yo‘llanma xatga izlanuvchi taqdim etgan hujjatlar hamda ilmiy seminar tomonidan ko‘rsatilgan kamchiliklar va ularni bartaraf etish bo‘yicha takliflar ilova qilindi). Ilmiy seminarda ko‘rsatilgan kamchiliklar bartaraf etilgandan so‘ng dissertatsiya bajarilgan muassasa tomonidan kamida 3 oydan keyin dissertatsiya dastlabki ekspertizadan o‘tkaziladi va natijalari bo‘yicha ijobiy xulosa berilgan taqdirda izlanuvchi tomonidan Ilmiy kengashga tegishli hujjatlar taqdim etiladi.
11. Ilmiy seminarda dissertatsiya falsafa doktori (PhD) ilmiy darajasini olish uchun 1 oy ichida, fan doktori (DSc) ilmiy darajasini olish uchun esa 2 oy ichida muhokamadan o‘tkaziladi.
12. Dissertatsiya bo‘yicha Ilmiy seminarning ijobiy xulosasi taqdim etilgan kundan e’tiboran 1 oy ichida Ilmiy kengash tomonidan dissertatsiya himoyaga qabul qilib olinishi va bu haqda qaror chiqarilishi lozim.
13. Dissertatsiya o‘z mohiyatiga ko‘ra Ilmiy kengash ixtisosliklariga to‘g‘ri kelmagan yoki izlanuvchi tomonidan qonun hujjatlari talablariga muvofiq bajarilmagan taqdirda, dissertatsiya Ilmiy kengash tomonidan himoyaga qabul qilinmaydi va bu haqda talabgor ogohlantiriladi.
14. Ilmiy kengashning dissertatsiyani himoyaga qabul qilish to‘g‘risidagi qarori Ilmiy seminarning ijobiy xulosasiga asosan ochiq ovoz berish yo‘li bilan majlisda ishtirok etayotgan Ilmiy kengash a’zolarining kamida uchdan ikki qismi tomonidan yoqlab ovoz berilsagina, qabul qilingan hisoblanadi.
15. Yetakchi tashkilot va rasmiy opponentlar Ilmiy kengash tomonidan dissertatsiyani himoyaga qabul qilish to‘g‘risida qaror qabul qilinganidan keyin tasdiqlanadi.
16. Ilmiy kengashda dissertatsiya himoyaga qabul qilingan kundan boshlab 5 kun ichida dissertatsiya va dissertatsiya avtoreferati loyihasi Ilmiy kengash tomonidan rasmiy opponentlar va yetakchi tashkilotga kuzatuv xati orqali yuboriladi.
17. Ilmiy kengash dissertatsiya yo‘nalishi bo‘yicha tadqiqotlar olib borayotgan olimlardan rasmiy opponentlar tayinlaydi.
18. Falsafa doktori (PhD) ilmiy darajasini olish uchun dissertatsiya bo‘yicha 2 nafar rasmiy opponent tayinlanadi, ulardan biri fan doktori bo‘lishi kerak, ikkinchisi esa, fan doktori yoki falsafa doktori (PhD) bo‘lishi mumkin. Rasmiy opponentlarning 1 nafari himoya o‘tayotgan Ilmiy kengash a’zosi bo‘lishi kerak.
19. Fan doktori (DSc) ilmiy darajasini olish uchun dissertatsiya bo‘yicha fan doktorlari yoki professorlar orasidan 3 nafar rasmiy opponent tayinlanadi, bunda ulardan 1 nafari himoya o‘tayotgan Ilmiy kengash a’zosi bo‘lishi kerak. Ayrim hollarda, istisno tariqasida, Ilmiy kengashning 2 nafar a’zosi OAK bilan kelishilgan holda rasmiy opponent bo‘lishi mumkin. Rasmiy opponentlar turli tashkilotlarning xodimlari bo‘lishi lozim.
20. Rasmiy opponentlar ishni ko’rib bo’lgandan so’ng yozma taqriz taqdim etadi, taqrizi nusxalari Ilmiy kengash tomonidan dissertatsiya himoyasidan kamida 5 kun oldin talabgorga topshirilishi kerak.
21. Dissertatsiyani himoyaga qabul qilish to‘g‘risida qaror qabul qilingandan so‘ng va dissertatsiya avtoreferati chop etilishidan oldin Ilmiy kengash dissertatsiya himoyasi to‘g‘risida OAK veb-saytida e’lon berish uchun OAKga mazkur Nizomning 4-ilovasida keltirilgan quyidagi hujjatlarni taqdim etadi.
22. OAK me’yoriy-texnik ekspertiza jarayonida dissertatsiya va avtoreferatda ko‘chirmachilik (plagiat) holatini aniqlashning elektron ekspertizasini tashkil qiladi. Ushbuda ko‘chirmachilik (plagiat) bo‘yicha har qanday hol (hollar) aniqlangan taqdirda, hujjatlar Ilmiy kengashga qaytariladi va dissertatsiya muhokamadan olib tashlanadi.
23. Dissertatsiya himoyasi to‘g‘risida OAK veb-saytida e’lon berilganidan keyin Ilmiy kengash raisi tomonidan dissertatsiya avtoreferatini qo‘lyozma huquqi bilan chop etishga ruxsat beriladi va dissertatsiya himoya qilinadigan kun tayinlanadi.
24. Dissertatsiya avtoreferatining to‘liq matni Ilmiy kengashning ilmiy kotibi tomonidan huzurida Ilmiy kengash faoliyat yuritayotgan muassasaning veb-saytiga joylashtirilishi, «ZiyoNET» ta’lim axborot tarmog‘iga joylashtirish uchun yuborilishi ta’minlanadi.
25. Dissertatsiya himoyasi OAK veb-saytida e’lon berilgandan so‘ng 40 kun ichida o‘tkazilishi shart.
26. Ilmiy kengash majlislari Ilmiy kengash raisi rahbarligida o‘tkaziladi. Ilmiy kengash majlisi ochilishidan oldin Ilmiy seminar tomonidan tayyorlangan Ilmiy kengash xulosasi loyihasi Ilmiy kengash a’zolariga tarqatiladi.
27. Ilmiy kengash majlisi uning ishida a’zolarining kamida uchdan ikki qismi va unda himoya qilinayotgan fan doktori (DSc) ilmiy darajasini olish uchun dissertatsiyaning har bir ixtisosligi bo‘yicha kamida 3 nafar fan doktori (DSc), falsafa doktori (PhD) ilmiy darajasini olish uchun dissertatsiyaning har bir ixtisosligi bo‘yicha esa, kamida 2 nafar fan doktori (DSc) va 1 nafar falsafa doktori (PhD) ishtirok etganda vakolatli hisoblanadi.
28. Dissertatsiya ishi ilmiy Kengashda muhokama qilingandan so’ng, uning so’ngida yopiq ovoz bersih natijalarini hisobga olish uchun 3 nafarda iborat bo’lgan sanoq komissiyasi tasdiqlandi va ular tomonidan ovoz natijlarini rasmiylashiriladi hamda komissiya raisi tomonidan shaklantirilgan bayonnoma o’qib eshttriladi hamda kengash a’zolari tomonidan ushbu komissiyasi xulosasi ochiq ovoz berish bilan tasdiqlanadi.
29. Himoya jarayoni bo’yich stenogramma shakllantiriladi hamda hujjatlarga qo’shib OAKga yuboriladi.
Dissertatsiyani himoya qilish shartlari (ilmiy maqolalar soni, xalqaro bazalarda indekslangan maqolalar talabi).
Dissertsatsiya himoya qilish uchun talabgor Oʼzbekiston Respublikasi Vazirlar Mahkamasi huzuridagi Oliy attestatsiya komissiyasi Rayosatining 2017 yil 31 maydagi 239/4-son qarori bilan tasdiqlangan “Ilmiy darajalar berish tartibi to‘g‘risida”gi nizomning 3-bobi “Dissertatsiya mavzusi bo‘yicha eʼlon qilingan ilmiy ishlarga qoʼyiladigan talablar” ga muvofiq kelishi shart.
Himoya jarayoniga qo‘yiladigan talablar (dissertatsiya rasmiyatchiliklari, ilmiy etika va shaffoflik).Dissertatasiya va avtoreferat O‘zbekiston Respublikasi Vazirlar Mahkamasi huzuridagi Oliy attestatsiya komissiyasi Rayosatining 2015 yil 20 martdagi 214/8-son qarori bilan tasdiqlangan “Dissertatsiya va dissertatsiya avtoreferatini rasmiylashtirish qoidalari”ga muvofiq rasmiylashtiriladi.
Dissertatsiya himoyasi bo‘yicha e’lonlar va rejalashtirilgan muddatlar. Dissertatsiya himoyasi haqida e’lon tegishli hujjatlar taqdim etilgan kundan e’tiboran 15 kun ichida OAKda tegishli hujjatlar me’yoriy-texnik ekspertizadan o‘tkazilib, talablarga muvofiq bo‘lgan taqdirda OAK veb-saytiga joylashtiriladi.
4. Ilmiy kengashning yig‘ilishlari va qarorlari
- Himoya qilingan dissertatsiyalar ro‘yxati (mavzu, muallif, ilmiy rahbar, natija).
- Kengash tomonidan tasdiqlangan ilmiy maqolalar talablari.
5. Ilmiy kengashga oid hujjatlar va nizomlar
Ilmiy kengash ustavi va nizomi (PDF formatda yuklab olish imkoniyati).
Dissertatsiya himoyasi uchun zarur hujjatlar: (Ariza, dissertatsiya bajarilgan muassasaning xulosasi)
- Ilmiy darajalar berish to‘g‘risidagi reglament va normativ hujjatlar bilan quyidagi sahifa orqali tanishishingiz mumkin.
Ilmiy kengashga taqdim etiladigan hujjatlar
RO‘YXATI
- Dissertatsiya bajarilgan muassasaning dissertatsiyani himoyaga qabul qilish haqidagi murojati.
- Izlanuvchi to‘g‘risidagi ob’ektiv-ma’lumotnoma.
- Izlanuvchining oliy ta’limni bitirganligi to’g’risidagi diplom nusxalari
Malakaviy imtihonlarni topshirganligi haqidagi guvohnomalar (falsafa doktori (PhD) ilmiy darajasiga talabgor uchun).
Dissertatsiya bajarilgan muassasaning xulosasi.
Dissertatsiya muhokama qilingan tashkilotlar xulosalari (agar mavjud bo‘lsa).
Izlanuvchining dissertatsiya bajarilgan muassasa tomonidan tasdiqlangan ilmiy ishlari ro‘yxati, asosiy ilmiy ishlari nusxalari.
Ilmiy rahbar (maslahatchi)ning taqrizi
Fan doktori (DSc) ilmiy darajasiga talabgor uchun fan nomzodi yoki falsafa doktori (PhD) yoxud unga tenglashtirilgan boshqa ilmiy daraja dissertatsiyasi avtoreferati.
Hammualliflikdagi ilmiy ishlarni dissertatsiyaga kiritish uchun ularning yozma ravishda roziligi.
Dissertatsiya va dissertatsiya avtoreferati.
Dissertatsiya ilmiy natijalarining amaliyotga joriy etilganligi to‘g‘risida berilgan hujjatlar.
Mavzu e’lon qilingan byulleten nusxasi
6. Himoya qilinayotgan dissertatsiyalar haqida ma’lumot
Kengashda bo‘lib o‘tadigan so‘ngi ilmiy himoylar haqidagi ma’lumotlarni universitet rasmiy saytining e’lonlar sahifasi orqali bilib olishingiz mumkin.













