Alexandriya chirog‘i (shuningdek Faros chirog‘i nomi bilan ham tanilgan) — Misrning Aleksandriya shahri yaqinidagi Faros orolidagi chiroq, dunyoning yetti mo‘jizasidan biri.
U Ptolemey II Filadelf hukmronligi davrida qurilgan (miloddan avvalgi 280—247 yillar). Chiroqning balandligi taxminan 120—150 metrni tashkil qilgan.
Asrlar davomida u dunyodagi eng baland sun’iy inshootlardan biri bo‘lib, shuningdek qadimgi yetti mo‘jizadan eng uzoq vaqt saqlanib qolgan uchta mo‘jizadan biri hisoblangan (hozirgacha saqlanib qolgan Xeops piramidasi va 1494 yilgacha buzilgan holatda saqlangan Galikarnas mavzoley bilan birga).
Alexandriya chirog‘i yetti mo‘jizadan yagoni bo‘lib, amaliy maqsadga ega edi. U kemalarga Aleksandriya portiga muammosiz kirish imkonini berar, dengizchilarga Misr sohilining birxil manzarasi fonida qo‘shimcha yo‘nalish ko‘rsatkich bo‘lib xizmat qilgan va suv maydonlarini kuzatish uchun kuzatuv nuqtasi bo‘lgan (Aleksandriya uchun harbiy tahdid asosan dengizdan kelgan, chunki quruqlikdan shahar cho‘l bilan himoyalangan edi).
Chiroq milodiy 796—1323 yillar orasidagi zilzilalar natijasida jiddiy zarar ko‘rgan, uning qoldiqlari qisman 1480 yilgacha saqlangan, so‘ngra bu joyda Qayt-Bey qal’asini qurishda foydalanilgan.
