Bir ko‘chat – bir hayot! Yashil makon loyihasi davom etmoqda

     Chirchiq shahrida “Yashil makon” umummilliy loyihasi doirasida daraxt ko‘chatlarini ekish ishlari boshlandi.

     “Yashil makon” umummilliy loyihasida Chirchiq davlat pedagogika universiteti jamoasi ham faol ishtirok etdi. Shaharning 50 yillik ko‘chasi hududidagi bo‘sh yer maydonlariga 700 dona manzarali daraxt ko‘chatlari ekildi. Shuningdek, qo‘shimcha 200 ta ko‘chat ekish uchun joylar tayyorlab qo‘yildi.

     “Yashil makon” tashabbusi nafaqat atrof-muhitni go‘zal va sog‘lom saqlash, balki aholining ekologik madaniyatini oshirish hamda tabiatni asrashga bo‘lgan mas’uliyatini kuchaytirishga xizmat qilmoqda.

     Loyiha doirasida Chirchiq davlat pedagogika universiteti hududlarida ham ko‘chat ekish va yashil maydonlarni kengaytirish ishlari bosqichma-bosqich davom ettirilmoqda.

Universitet Axborot xizmati