Xalqaro hamkorlik istiqbollari: CHDPU - UPI

     2025-yil 24-oktyabr kuni Chirchiq davlat pedagogika universiteti Indoneziya pedagogika universiteti (Universitas Pendidikan Indonesia (UPI) delegatsiyasini qabul qildi. Tashrifdan ko‘zlangan asosiy maqsad ikki tomonlama hamkorlik aloqalarini yanada rivojlantirish, xalqaro akademik almashinuvni kengaytirish hamda ta’lim sifatini oshirishga xizmat qiluvchi qo‘shma tashabbuslarni ilgari surishdan iborat bo‘ldi.

     Uchrashuv davomida tomonlar quyidagi ustuvor yo‘nalishlar bo‘yicha fikr almashdilar: talabalar almashinuv dasturlarini yo‘lga qo‘yish, o‘qituvchilar va ilmiy xodimlar uchun malaka oshirish kurslarini tashkil etish, o‘quv rejalari va ishchi dasturlarni uyg‘unlashtirish, shuningdek, Indoneziya fuqarolari bo‘lgan talabalarning Chirchiq davlat pedagogika universitetida tahsil olishiga oid imkoniyatlarni o‘rganish. Mazkur muzokaralar ikki oliy ta’lim muassasasi o‘rtasida chuqur va barqaror akademik aloqalarni o‘rnatishga qaratilgan.

     Muhokamalarda Chirchiq davlat pedagogika universiteti rektori G‘ofurjon Muxamedov rahbarligidagi faollar hamda Indoneziya Redagogika Universiteti rektori Didi Sukyadi boshchiligida delegatsiya ishtirok etdilar.

     Ushbu tashrif ikki tomonlama hamkorlikni institutsional asosda rivojlantirish, ilg‘or xalqaro tajribalarni o‘zaro almashish va ta’lim sohasida qo‘shma tashabbuslarni amalga oshirish yo‘lidagi muhim bosqich sifatida e’tirof etildi.

Universitet Axborot xizmati