Chirchiq davlat pedagogika universitetiga AQSh professori tashrif buyurdi…

Chirchiq davlat pedagogika universitetiga Michigan davlat universiteti professori Douglas K.Hartman tashrif buyurdi. Tashrifdan asosiy maqsad ta’lim menejmenti yo‘nalishida o‘zaro hamkorlik masalalarini muhokama qilishga qaratildi. Tashrif davomida martabali mehmon Pedagogika fakulteti dekani, professor Jabbor O‘sarov va fakultet jamoasi bilan uchrashdi.

Uchrashuv davomida dekan Jabbor O‘sarov fakultetda turli yo‘nalishlar bo‘yicha malakali kadrlar tayyorlanayotganligini bildirdi. Ayniqsa, inklyuziv va menejment ta'limini rivojlantirish borasida xorijiy tajriba muhimligini ta’kidladi.

Professor Douglas K. Hartman Michigan davlat universiteti Chirchiq davlat pedagogika universiteti bilan hamkorlik qilishga e’tibor qaratayotganligini bildirib o’tdi. Shu yerning o‘zida AQShlik professori fakultet faollari va talabalari bilan uchrashib, samimiy muloqot qildi.

Universitet Axborot xizmati