Ekologiya masalalari CHDPU yoshlari nigohida
Chirchiq davlat pedagogika universitetida ekologik muammolarni hal qilishda yoshlarning rolini belgilash hamda ularning iqlim oʻzgarishiga qarshi kurashdagi saʼy-harakatlarini qoʻllab-quvvatlashga bag‘ishlangan Yoshlar ekologik forumi o‘tkazildi.
Taʼkidlash lozim, O‘zbekiston Ekologik partiyasi Toshkent viloyati Kengashi koʻmagida tashkil etilgan mazkur tadbir Prezidentimiz tomonidan qabul qilingan “Toshkent shahrida ekologik vaziyatni yaxshilash bo‘yicha kechiktirib bo‘lmaydigan chora-tadbirlar to‘g‘risida”gi Farmon doirasida tashkil etildi.
Unda yoshlarning iqlim oʻzgarishlariga qarshi kurashishdagi rolini kuchaytirish, eko-odatlarni shakllantirish va ekologik hayot tarzini keng targ'ib qilish, universitet-partiya yoshlar ekologik harakatini integratsiya qilish koʻzda tutilgan.
Tadbir ishtirokchisi boʻlgan universitet yoshlari, partiya a’zolari, ekofaollar yoshlarning ekoxabardorligini oshirish, eko-startap va eko-innovatsiyalarni rivojlantirish, yonilgʻida yuradigan mashinalar katalizatorlarini yaxshilash evaziga zararli gazlarni kamaytirish hamda ekologik muammolarga mashhur insonlar yordamida Toshkent viloyati yoshlarining eʼtiborini qaratish kabi takliflarni ilgari surishdi.
Tadbir doirasida shuningdek, ekofaollar ishtirokida seminarlar, eko bellashuvlar, sport musobaqalari oʻtkazilib, Universitetning eko strategiyasi hamda “Yoʻl xaritasi” boʻyicha muhokamalar tashkil etildi.
Universitet Axborot xizmati
Galereya
