Fizika kafedrasi strategiyasi va taraqqiyot prinsiplari: Ishlab chiqarish. . . Tajriba. . . Amaliy ko‘nikmalar. . .

     Mamlakat kelajagi, iqtisodiyot rivoji, avvalo, bilimli avlodga bog‘liq. Fizika kafedrasining ishlab chiqarish jarayoni, yaratilayotgan uslubiy qo‘llanmalar, universitet-maktab an’anasi kafedrada nazariya va amaliyot tushunchalarining integratsiyasini ifodalash bilan bir qatorda, maktab o‘qituvchi va o‘quvchilarining tabiiy fanlarning zamonaviy tamoyillarini anglashga xizmat qilmoqda.

     28-oktyabr kuni Fizika kafedrasi jamoasi Bekabod shahridagi 6-umumta’lim maktabiga tashrif buyurdi.

     Dastlab yuqori sinf o‘quvchilari bilan uchrashuv tashkil etildi. Uchrashuv jarayonida maktab o‘quvchilarining fizika fanini o‘zlashtirish holati, qiziqishlari, dunyoqarashi, fikrlashi, tabiat hodisalarini fizik anglash jarayonlari interfaol usullar orqali tahlil qilindi.

     Fizika kafedra mudiri Azlarxon Tillaboyev Chirchiq davlat pedagogika universitetida fizika, kimyo, biologiya, Informatika va axborot texnologiyalari fanlari doirasida Toshkent viloyatidagi umumta’lim maktablari birituvchi sinf o‘quvchilari uchun tashkil etilgan olimpiada haqida va universitet tomonidan maktab o‘quvchilari uchun yaratilgan imkoniyatlar haqida ma’lumot berdi. Kafedra dotsenti Qusharboy Suyarov fizika ta’limidagi yangiliklar haqida so‘z yuritdi.

     Tashrifning ikkinchi qismida Fizika kafedrasi professor-o‘qituvchilari tomonidan yaratilgan o‘quv-uslubiy adabiyotlar va fizika laboratoriya jihozlari topshirildi.  

     Talabalar maktab o‘quvchilari bilan birgalikda ushbu jihozlardan foydalanish bo‘yicha amaliy mashg‘ulotlar o‘tkazildi. O‘quvchilar qurilmalar bilan ishlash, xavfsizlik qoidalariga rioya etish va tajriba natijalarini tahlil qilishni o‘rgandilar. 

Universitet Axborot xizmati