“Ilhom” mukofoti respublika tanlovining 2025-yilgi sovrindorlari tantanali taqdirlandi

 Bugun Oliy ta’lim, fan va innovatsiyalar vazirligi amfiteatrida shoir va yozuvchilar hayoti hamda ijodini chuqur o‘rganish, yoshlarni adabiyotga qiziqishini oshirish, ular qalbida vatanparvarlik tuyg‘ularini yuksaltirish maqsadida har yili o‘tkazib kelinadigan “Ilhom” mukofoti g‘olib va sovrindorlarini tantanali taqdirlash marosimi bo‘lib o‘tdi. 

     Marosimni Oliy ta’lim, fan va innovatsiyalar vazirining birinchi o‘rinbosari Shohrux Daliyev hamda O‘zbekiston yozuvchilari uyushmasi raisi o‘rinbosari Farida Afro‘z ochib berib, g‘olib va sovrindorlarni muvaffaqiyat bilan tabriklab, o‘rin ololmagan ishtirokchilarga harakatdan to‘xtamaslik, doim olg‘a intilish bo‘yicha hayotiy tajribalari va fikrlarini bildirib o‘tdilar. Vazir o‘rinbosari o‘z nutqida 5-bor o‘tkazilayotgan tanlovning dastlabki saralash bosqichida o‘n mingdan ortiq talaba-yoshlar, murabbiylar ishtirok etgani va shulardan 120 nafari Respublika bosqichi uchun tavsiya etilganini ta’kidladi.

     Shundan so‘ng, tanlovning rag'batlantiruvchi o‘rin sohiblariga faxriy yorliq, televizor va esdalik sovg‘alari topshirildi. Ular bilan tanishing:

Muslima Axmadjonova – NamDU talabasi

Dilnoza Olimjonova – CHDPU talabasi

Abbos Xurramov – O‘zDSMI magistranti

     Marosim davomida Milliy musiqa va san’at, Milliy estrada san’ati hamda O‘zbekiston davlat san’at va madaniyat institutlarining iqtidorli talabalari tomonidan kuylangan qo’shiqlar tadbir ishtirokchilariga bayramona kayfiyat ulashdi.