“Kafedra-maktab” hamkorlik dasturi belgilab olindi

     Fizika kafedrasi Toshkent viloyatidagi 14 ta maktabni o‘z otalig‘iga oldi hamda ularda ta’lim olayotgan iqtidorli yoshlarni aniqlash va fizika ta’limi sifatini yaxshilash bo‘yicha alohida dastur ishlab chiqdi.

     Noyabr oyi davomida Fizika kafedrasi Parkent, Bekabod va Bo‘stonliq tumanlarida obiriktirilgan maktab o‘quvchilarining fizika fanini o‘zlashtirish darajasini o‘rgandi. Bitiruvchi sinf o‘quvchilaridan sinov testlar qabul qilindi.

     19-noyabr kuni Fizika kafedrasi jamoasi Bo‘stonliq tumanidagi 1-sonli maktab maktab jamoasi bilan uchrashdi. Tashrif davomida maktabda fizika fanining o‘qitish sifatini yanada oshirish, bitiruvchilarni oliy ta’lim muassasalarga kirish ko‘rsatkichlarini yaxshilash haqida maktab rahbarlarining fikr va mulohazalari tinglandi.

     Bitiruvchi sinflar va fizika fani o‘qituvchilari ishtirokida master-klasslar, talabalar va o‘quvchilar o‘rtasida debatlar, ko‘rgazmali chiqishlar uyushtirildi.

     Tashrifning ikkinchi qismida Fizika kafedrasi professor-o‘qituvchilari tomonidan yaratilgan o‘quv-uslubiy adabiyotlar va fizika laboratoriya jihozlari topshirildi. Talabalar maktab o‘quvchilari bilan birgalikda ushbu jihozlardan foydalanish bo‘yicha amaliy mashg‘ulotlar o‘tkazdi.

Universitet Axborot xizmati