Media makonda sun’iy intellekt: yangi tarix va yangi dunyoqarash
5-noyabr kuni Chirchiq davlat pedagogika universitetida xalqaro ekspertlar ishtirokida “Media makonda sun’iy intellekt: yangi tarix va yangi dunyoqarash” mavzusida ilmiy-amaliy konferensiya bo‘lib o‘tdi. Konferensiya ishini universitet rektori G‘ofurjon Isroilovich Muxamedov ochib berdi va anjuman ishtirokchilarni samimiy qutladi.
Tadbirda professor-o‘qituvchilar, soha mutaxassislari, yosh tadqiqotchilar hamda talaba-yoshlar ishtirok etdi. Konferensiya davomida sun’iy intellekt texnologiyalarining media sohasidagi o‘rni, uning axborot iste’moli, ijtimoiy tarmoqlar madaniyatiga ta’siri, shuningdek, inson tafakkuri va dunyoqarashini o‘zgartirishdagi yangi imkoniyatlari haqida fikr-mulohazalar bildirildi.
Shuningdek, ishtirokchilar media makonda axborot xavfsizligi, axborot oqimlarini tahlil qilishda sun’iy intellekt vositalaridan samarali foydalanish masalalarini ham muhokama qildilar.
Mazkur konferensiya yoshlar orasida raqamli tafakkurni rivojlantirish, ilmiy izlanishlarga bo‘lgan qiziqishni oshirish va sun’iy intellekt imkoniyatlarini chuqur o‘rganishga xizmat qildi.
Konferensiya oliy ta’limni transformatsiya qilish va xalqaro tajribani joriy etish bo‘yicha muhim muloqot maydoni bo‘lib xizmat qildi. Konferensiya yakunida mahalliy ta’lim va tadqiqot muassasalari o‘rtasida hamkorlikni kengaytirish, qo‘shma ilmiy tadqiqotlar hamda loyihalarni amalga oshirish bo‘yicha ham fikr almashildi.
Galereya
