O‘zbek tili bayrami kuni. Millatning barhayot ruhi
Chirchiq shahridagi “Kimyogarlar” saroyida o‘zbek tili bayramiga bag‘ishlangan tantanali konsert dasturi ko‘tarinki ruhda bo‘lib o‘tdi. Anjumanda Chirchiq davlat pedagogika universiteti jamoasi ishtirok etdi.
Qayd etish joizki, ona tili inson qalbiga eng avvalo ona allasi bilan kiradi, shu orqali inson tiliga mehr-muhabbat qo‘yadi, o‘sib-ulg‘ayib, kamol topadi. Kecha boshida kuylangan milliy laparlar davraga o‘zgacha ruh bag‘ishladi.
— Tilimiz taqdiri o‘z qo‘limizdaligini teran anglay olsak unga munosabatimiz o‘zgaradi. — dedi O‘zbek tilshunosligi kafedrasi mudiri O‘lmas Saidov. — Tilning yo‘qolishi millat tanazzulidir. O‘zbek tilini asrash nafaqat tilshunoslar, so‘z bilan ishlovchi kishilar, balki har birimizning vazifamiz. O‘zbek tili bayrami katta tantana, xalq bayrami, millat shodiyonasi. Barchaga ushbu kun muborak bo‘lsin!
Universitet Matbuot xizmati
Galereya
