Osiyoning eng yaxshi universitetlari reytingidan Chirchiq davlat pedagogika universiteti ham o‘rin oldi

     Nufuzli QS Quacquarelli Symonds agentligi tomonidan eʼlon qilingan Osiyoning eng yaxshi universitetlari reytingi — QS Asia University Rankings 2026 roʻyxatidan Oʻzbekistonning 22 ta oliy taʼlim tashkiloti joy oldi. Chirchiq davlat pedagogika universiteti ushbu nufuzli reytingdan o‘rin oldi.

     Ushbu natija universitetimizda olib borilayotgan islohotlar va xalqaro hamkorlikni kengaytirish yoʻlidagi saʼy-harakatlarning amaliy samarasidir.

     Ma’lumot uchun, mazkur reytingda Osiyoning 25 ta mamlakat va hududidan 1500 dan ortiq universitetlar baholangan.

     Reyting mezonlari ilmiy salohiyat, xalqaro nufuz, bitiruvchilarning bandlik darajasi, o‘quv jarayonining sifat ko‘rsatkichlari hamda xalqaro hamkorlik faoliyatiga asoslanadi.