Prorektorlar kengashi: ilg‘or tajribalar almashinuvi
Yig'ilishga Nizomiy nomidagi O‘zbekiston milliy pedagogika universitetining Akademik faoliyat bo‘yicha prorektori, kengash raisi Zafar Raxmanov raislik qiladi. Tadbirda Pedagogika OTMlari O‘quv ishlari bo‘yicha prorektorlari ishtirok etdi. Kengashda pedagogika ta’limini rivojlantirishga qaratilgan kompleks masalalar muhokama qilindi.
Jumladan, O‘zbekiston Respublikasi Prezidentining 2025-yil 28-apreldagi “Pedagog kadrlar tayyorlash tizimini yanada takomillashtirish chora-tadbirlari to‘g‘risida”gi PF-73-son Qarorida belgilangan vazifalar ijrosi yuzasidan axborot tinglandi.
Bakalavriat ta’lim yo‘nalishlari va magistratura mutaxassisliklari bitiruvchilarini ish bilan ta’minlash bo‘yicha amalga oshirilayotgan ishlar hamda pedagogika oliy ta’lim muasassalari va ish beruvchi tashkilotlar bilan hamkorlik aloqalarining yo‘lga qo‘yishga alohida e’tibor qaratildi.
Axborot-resurs markazi fondini yangi adabiyotlar, fanlar bo‘yicha yaratilgan o‘quv-uslubiy majmualarning elektron variantlari bilan to‘ldirib borish bo‘yicha amalga oshirilayotgan ishlarni jadallashtirish zarurligi ta’kidlandi. Xalqaro standartlarga mos o‘quv adabiyotlarini hamkorlikda yaratish borasidagi takliflar tinglandi.
Pedagogika oliy ta’lim tashkilotlarida transformatsiya jarayonlarini samarali amalga oshirish haqida fikr almashildi. Yig‘ilishda pedagogika ta’limi sohasida amalga oshirilishi rejalashtirilgan ishlar taqdimot qilindi.
Universitet Axborot xizmati
Galereya
