Psixolog bilan suhbat bo'lib o'tdi

     Talabalikning ilk kuni – professional ta’limdagi iqtidorlarini chamalash, maqsadlarni to‘g‘ri qo‘yish va samimiy munosabatlarni mustahkamlash uchun yangi imkoniyat. Turizm fakultetida shu mavzuda IMPAKT – o‘rganishga va o‘rgatishga qiziqtirish markazi rahbari Shahnoza Samesova bilan suhbatda bo‘ldi. Suhbatda fakultetning birinchi kurs talabalari ishtirok etdi.

     Talabalikning dastlabki kunidan yoshlar turgan asosiy vazifalarini belgilab olish, oliy ta’lim davridagi faoliyatlarini samarali va sermazmun o‘tkazishdan iborat. Yosh davrlar psixologiyasi nuqtayi nazaridan kelib chiqilsa, talabalar shaxsida ko‘nikmalardagi muammolar va o‘qish faoliyatlari parallel namoyon bo‘ladi. Shuning uchun talabalarga murakkab va mas’uliyatli kunlarda nafaqat tyutorlar ko‘magi, balki psixologlar tavsiyalari ham muhim sanaladi.

     "Yoshlarning talabalik hayotidagi stress holatlar, muomaladagi qiyinchiliklar, shaxsiy va ijtimoiy psixologik muammolarning asl sabablari aniqlanib, uni bartaraf etish orqali talabalik hayotini, professional taqdirini, kelajagini to‘g‘ri o‘zanga burishda muhim ahamiyat kasb etadi”, — deydi psixolog Shahnoza Samesova.

     Uchrashuv qizg‘in va munozalarga boy, yoshlarning istak va takliflari bilan o‘rtoqlashilgan holda o‘tkazildi.