Raqamlashgan jamiyat sari. Respublika ilmiy-amaliy konferensiyasi yakunlari
Mamlakatimizda “Axborotlashgan jamiyatdan raqamlashgan jamiyat sari: ta’limdagi transformatsiyalar” mavzusiga bag‘ishlangan Respublika ilmiy-amaliy konferensiyasi bo‘lib o‘tdi. Tadbir ta’lim sohasidagi raqamli islohotlar, zamonaviy texnologiyalarni o‘quv jarayoniga tatbiq etish, raqamli kompetensiyalarga ega kadrlar tayyorlash kabi dolzarb masalalarni muhokama qilishga qaratildi.
Konferensiya ta’lim muassasalari, oliy ta’lim tashkilotlari, IT sohasi mutaxassislari, vazirlik va idoralar vakillarini bir maydonga jamladi. Unda qatnashchilar ta’lim jarayonlarida sun’iy intellekt, raqamli pedagogika, elektron platformalar, masofaviy ta’lim tizimlarining rivoji hamda o‘quvchi va talabalar uchun innovatsion ta’lim muhiti yaratish bo‘yicha ilg‘or tajribalarnialmashdilar.
Tadbirda ta’limni raqamlashtirish jarayonining yangi bosqichga ko‘tarilgani, o‘qituvchilarning raqamli savodxonligini oshirish, ta’lim jarayonida data-analitika, AR/VR texnologiyalari, elektron darsliklar va raqamli kutubxonalarning qo‘llanilishi bo‘yicha qo‘shimcha taklif va tashabbuslarilgari surildi.
Ekspertlar ta’lim tizimining transformatsiyasi nafaqat texnologik yangilanishni, balki ta’lim sifatining yaxshilanishi, zamonaviy mehnat bozoriga mos kadrlar tayyorlashnitaqozo etishini ta’kidladi. Shuningdek, konferensiya doirasida ilmiy ma’ruzalar, taqdimotlar, tajriba almashish sessiyalari va amaliy seminarlar tashkil etildi.
Tadbir yakunida konferensiya ishtirokchilari ta’limning raqamli ekotizimini takomillashtirish, innovatsion o‘qitish metodikalarini joriy etish hamda har bir o‘quvchi va talaba uchun teng raqamli imkoniyatlar yaratish bo‘yicha qo‘shma qaror va tavsiyalar ishlab chiqdi.
Ushbu konferensiya mamlakatimizda ta’lim sohasini raqamlashtirish jarayonlarini yangi bosqichga olib chiqish, kelajak avlodni global raqamli iqtisodiyot talablariga mos ravishda tayyorlash yo‘lida muhim qadam bo‘lib xizmat qiladi.
Universitet Axborot xizmati
Galereya
