Rektor o‘qituvchi va talabalarga yaratilgan sharoitlarni ko‘zdan kechirdi

     Rektor G‘ofurjon Muxamedov yangi o‘quv yilida dars jarayonlarining borishi, talabalarga yaratilgan qulayliklar, laboratoriyalar faoliyati bilan tanishdi. Mas’ullar ishtirokidagi tahlil jarayonida universitet olimlarining innovatsion g‘oyalarini qo‘llab-quvvatlash, yangi loyihalarda talabalarning o‘rni va fikriga e’tibor qaratish zarurligini ta’kidladi.

     Talabalarni universitetda amalga oshirilayotgan keng ko‘lamli islohotlarga daxldor bo‘lish, zamonaviy bilim va tajribalarini universitet rivojiga yo‘naltirishga da’vat etdi. 

     Universitetimiz rahbari bosh kampus hududida qurilayotgan binoda olib borilayotgan qurilish ishlari bilan tanishdi. Qurilish jarayonining borishi va ish sifatini bevosita o‘rgandi. Ichki pardozlash, muhandislik-kommunikatsiya tarmoqlari hamda atrofni obodonlashtirish yuzasidan tavsiyalar berdi.