Rektor xalqaro konferensiya ishtirokchilarini qabul qildi

     Chirchiq davlat pedagogika universiteti rektori G‘ofurjon Muxamedov “Oliy pedagogik taʼlimda tasviriy sanʼat, chizmachilik va musiqa fanlarini oʻqitishda zamonaviy yondashuv va tendensiyalar” mavzusidagi xalqaro konferensiyaga ishtirok etish uchun kelgan Markaziy Osiyo oliy ta’lim muassasalari vakillari va san’atshunoslarni qabul qildi.

     Universitetimiz rahbari mehmonlarni samimiy qutlar ekan, ushbu konferensiya ishida xorijiy mamlakatlardan nufuzli delegatsiyalar ishtirok etgani talabalarimizning xalqaro usta-ijodkorlar va san’atshunoslar bilan muloqot qilish imkoniyati berilganligidan mamnunligini bildirdi. 

     Konferensiya mehmonlari yuqori darajadagi xalqaro anjumanni Chirchiq davlat pedagogika universitetida bo‘lib o‘tishiga qanday asoslar borligini sanab o‘tdi. Mehmonlar universitetda san’at ta’limi yo‘nalishi bo‘yicha amalga oshirilayotgan izchil ishlarga yuksak baho berdi.

     Rektor universitetning Markaziy Osiyo oliy ta’lim muasasalari bilan aloqalar xalqaro ta’lim strategiyasiga to‘la mos kelishini, xalqaro loyihalar asosida talabalar bilimi yanada mustahkamlashga xayrixohlik bildirdi. Sun’iy ongning zamonaviy san’atdagi ishtiroki haqida ham fikr almashdi. 

     Samimiy qabul va manfaatli muloqot uchun mehmonlar universitet rektori G‘ofurjon Muxamedovga minnatdorchilik bildirdi. Mehmonlarga konferensiyaning esdalik sovg‘alarini topshirdi.

Universitet Axborot xizmati