Rektor yuksak natijalari bilan g‘urur bag‘ishlagan sportchi talaba-qizlarni olqishladi

     Rektor G‘ofurjon Muxamedov “Besh tashabbus” olimpiadasi sovrindor talaba-qizlar bilan uchrashdi. Tadbirda Kengashi a’zolari va kafedralar rahbarlari, murabbiylar qatnashdi.

     Ma’lumki, ushbu “Besh tashabbus” olimpiada 17-noyabrdan 21-noyabrgacha Guliston shahrida bo‘lib o‘tdi. Chirchiq davlat pedagogika universiteti 4 ta sport turi bo‘yicha 31 nafar sportchi-talabalar bilan ishtirok etdi. Bu nufuzli musobaqada voleybol sport turi bo‘yicha CHDPU qizlar jamoasi faxrli ikkinchi o‘rinni egalladi.

     "Sport mamlakatimizda, uning ta’limi esa universitetimizda drayver yo‘nalishga aylandi. Sizlar erishgan yorqin g‘alabalar yoshlarimizga, fakultet jamoasiga kuch-qudrat berdi. Butun jamoamizni g‘ururlantirdi, yanada birlashtirdi. Rahmat qizlarim!" dedi Rektor.

     Sportchi qizlarimiz “Besh tashabbus” olimpiadasi final bosqichida faxriy unvon va medallar bilan taqdirlangan edi. Tadbirda ana shu yuksak mukofotlar tantanali ravishda topshirildi. 

     Universitet rahbari murabbiylarga ham o‘z minnatdorligini bildirdi.

Universitet Axborot xizmati