Talabalar shaharchasidagi iqtisodiy mexanizm: yangicha yondashuvlar, o‘zgarishlar va islohotlar
Chirchiq davlat pedagogika universitetida yoshlar bandligini ta’minlash, bo‘sh vaqtini mazmunli tashkil etishga katta e’tibor qaratilgan. Universitetda talabalarning iqtidorini yuzaga chiqarish imkoniyatlarini kengaytirish, oliy ta’lim bilan bir qatorda hunarmand yoshlarni tarbiyalash masalasi asosiy konsepsiyaga aylandi.
Kuni kecha universitetimiz rektori G‘ofurjon Muxamedov talabalar shaharchasida bo‘lib, talabalar tashabbusi bilan yo‘lga qo‘yilgan to‘garaklar va tadbirkorlik faoliyatlari bilan tanishdi.
Universitetimiz rahbari to‘garaklarda yoshlarning faolligi va hunarmand-talabalar yetkazib berayotgan mahsulotlar va sig‘imi, iqtidorli va tadbirkor yoshlar faolligiga to‘siq bo‘layotgan muammolar bilan qiziqdi. To‘garaklarni rivojlantirish orqali talabalarning tadbirkorlik faoliyatini kengaytirish va zarur uskunalar bilan ta’minlash bo‘yicha mutasaddilarga topshiriqlar berdi.
«Yoshlikda olingan bilim, qadriyat va ma’naviy principlari uning butun kelajagini belgilab beradi. Shu boisdan yoshlar o’zlari, ota-onalari va farzandlarining kelajagi uchun mas’ulliklarini anglashlari kerak. Talabalarning bo‘sh vaqtlarini manfaatli ishlar yo‘naltirilayotganligi, iqtisodiyot kishisiga aylanayotganligi quvonarli hol. Talabalar shaharchasida yaratilgan iqtisodiy mexanizmdan barcha talabalar foydalanishi zarur», dedi rektor.
Shu kunning o‘zida talabalar uchun universitet tomonidan osh tarqatildi. Bu kabi ezgu amallar talabalarni qadriyatlarimizga nisbatan hurmat ruhida tarbiyalashda katta ahamiyatga ega ekanligi ta’kidlandi.
Universitet Axborot xizmati
Galereya
