Talabalar uchun dolzarb mavzuda davra suhbati o‘tkazildi

     Chirchiq davlat pedagogika universitetida talabalarda giyohvandlik, psixotrop vositalarning noqonuniy muomalasi hamda diniy ekstremistik g‘oyalarga aldanib qolishning oldini olishga bag‘ishlangan davra suhbati o‘tkazildi.

     Tadbirda IIV Akademiyasi magistratura tinglovchilari mayor E.U. Bayrbekov, mayor Sh. Axmadov, podpolkovnik R. Roziboyev, shahar IIB profilaktika inspektori kapitan J. Atajanov va universitet prorektori S.B. Qoriyev ishtirok etishdi.

     Uchrashuv davomida mamlakatimizda huquqbuzarliklarning oldini olishga qaratilgan islohotlar, diniy ekstremizm va terrorizmning xavfli oqibatlari haqida tushuntirish berildi. IIV Jamoat xavfsizligi departamenti tomonidan tayyorlangan videorolik namoyish etildi.

     Yakunda talabalarning savollariga javob berilib, bunday holatlarga duch kelganda mas’ul organlarga zudlik bilan murojaat qilish zarurligi alohida ta’kidlandi.

Universitet Axborot xizmati