«Talabalikka bag‘ishlov» tadbiri bo‘lib o‘tdi

     Chirchiq shahridagi “Kimyogarlar saroyi” majmuasida Chirchiq davlat pedagogika universiteti birinchi bosqich talabalari va professor-o‘qituvchilari ishtirokida “Talabalikka bag‘ishlov” tadbiri o‘tkazildi.

     Tadbirni ochib bergan universitet rektori G‘ofurjon Muxamedov ta’lim sohasidagi islohotlar, mamlakatimizda yoshlarga berilayotgan keng imkoniyatlar xususida so‘z yuritib, barcha talabalarni bayram bilan qutladi.

 v    So‘ng, talabalikka ilk qadam qo‘ygan yoshlar o‘z sohasining yetuk mutaxassislari bo‘lib etishishga, ota-ona oldidagi farzandlik burchini unutmaslik, uni to‘la ado etish uchun bor bilimlarini bag‘ishlashga, tanlangan mutaxassisligi bo‘yicha amaliy bilim va ko‘nikmalarni muntazam ravishda o‘zlashtirishga, o‘quv rejasi va dasturlarda belgilangan mashg‘ulotlarni o‘z muddatida bajarish va o‘quv mashg‘ulotlarida doimiy ravishda qatnashishga, universitet ichki tartib-qoidalariga rioya qilishni o‘zlarining muqaddas burchi deb hisoblashga tantanali ravishda qasamyod qildi.

     Rektor birinchi kurs talabalariga talabalik guvohnomasini tantanali tarzda taqdim etdi.

     Tadbirning badiiy qismida universitet ijodkor yoshlari va O‘zbekiston davlat filarmoniyasining Chirchiq shahri bo‘linmasi xodimlari tomonidan kontsert dasturi namoyish etildi.