Universitet faollari aniq fanlar ta’limidagi o‘zgarishlar taqdimoti bilan tanishdi
Bugun Chirchiq davlat pedagogika universiteti sayyor Kengashi doirasida “O‘zbekiston – 2030” strategiyasida ta’lim tizimi islohotlari ustuvor yo‘nalishlardan biri etib belgilangan va Davlatimiz rahbari o‘z Murojaatnomasida qayd etgan aniq fanlar ta’limi va uning innovatsion modeli bilan tanishildi.
Aniq fanlar fakulteti kafedralari professor-o‘qituvchilari, tadqiqotchilari va talabalar o‘zlarining turli yo‘nalishlardagi loyihalariga universitet faollarining e’tiborini qaratdi. Universitetda matematika, fizika, raqamli texnologiyalar, sun’iy intellekt, AT kabi sohalarda pedagog mutaxassislar tayyorlashni zamonaviy bosqichga olib chiqish, yangi laboratoriyalar ochish rejalari taqdimot qilindi.
Taqdimot va muhokamalarda universitet rektori, professor G‘ofurjon Muxamedov ishtirok etdi.
Kengashda yangi avlod o‘qituvchisi shakllantirishda kafedralardagi ta’lim muhiti, integratsiya asosida zamonaviy to‘garaklar ochish masalalariga ham to‘xtalib o‘tildi.
Universitetimiz rahbari qator takliflarni ma’qulladi. Aniq fanlar ta’limining ilg‘or amaliyotlarini o‘rganib, fikr almashadigan professional jamoalarni shakllantirish bo‘yicha ko‘rsatmalar berdi.
Universitet Axborot xizmati
Galereya
