Universitetda oliy attestatsiya komissiyasi raisi bilan uchrashuv tashkil etildi

     Bugun Oliy ta’lim, fan va innovatsiyalar vazirligi huzuridagi Oliy attestatsiya komissiyasi raisi Ahmadbek Tadjiyevich Yusupov Chirchiq davlat pedagogika universitetiga tashrif buyurdi va universitetning ilmiy izlanuvchilari va tadqiqotchilari bilan ochiq muloqot o’tkazdi.

     Muloqot davomida mamlakatimizda ilm-fanni rivojlantirishga qaratilgan islohotlar, yosh olimlar uchun yaratilayotgan keng imkoniyatlar hamda olib borilayotgan ilmiy tadqiqot ishlarining sifatini oshirish masalalari muhokama qilindi. Shuningdek, dissertatsiyalar mazmunan boy, dolzarb va amaliyotga yo‘naltirilgan bo‘lishi zarurligi haqida fikrlar bildirildi.

     Savol-javob ruhida o‘tgan ochiq muloqot tadqiqotchilar uchun juda manfaatli bo‘lib, ishtirokchilar o‘zlarini qiziqtirgan masalalarga atroflicha javob oldilar. Uchrashuv ilmiy faoliyatni yanada takomillashtirishga xizmat qiluvchi muhim tadbir sifatida baholandi.

Universitet Axborot xizmati