Yangi O‘zbekistonda filologik ta’limning dolzarb muammolari, yechimlari va istiqbollari

     2025-yil 24-oktyabr kuni  Chirchiq davlat pedagogika  universitetida “Yangi O‘zbekistonda filologik ta’limning dolzarb muammolari, yechimlari va istiqbollari” mavzusidagi xalqaro ilmiy-amaliy anjuman bo‘lib o‘tdi. Ushbu anjumanda dunyoning ko‘plab mamlakatlaridan taniqli olimlar, o‘z sohasining yetuk mutaxassislari, professional tilshunos va adabiyotshunoslar, turkiy dunyoning yetakchi so‘zshunoslari ishtirok etdi. Konferensiyani Chirchiq davlat pedagogika universiteti rektori Gafurdjan Muxamedov ochib berdilar.
     

     Ushbu anjumanning ustuvor yo‘nalishlaridan biri — globallashuv jarayonlarida   umumturkiy dunyoning tili va qadriyatlarini mustahkamlash, turkiy tillar oilasi o‘rtasida xalqaro hamkorlikni kengaytirishga qaratilgan. Shuningdek, ushbu anjumanda ota-bobolarimiz e’zozlagan mumtoz adabiyot siymolarining qo‘lyozma asarlarlarini chuqur o‘rganish va tabdil etish borasidagi izlanishlar, tasavvufiy merosimizga yangicha yondashuvlarni shakllantirish, jadid ma’rifatparvarlarining qimmatli merosini keng targ‘ib etish, davlat tilini rivojlantirish borasidagi yutuq va natijalarga  ilmiy-nazariy baho berish, sohadagi ilmiy masalalar yuzasidan ilmiy muloqot o‘tkazildi. 

     Tadbirda Turkiya, Qozog‘iston, Tojikiston, Afg‘oniston, Rossiya kabi mamlakatlarning eng yetakchi olimlari oʻz ma'ruzalari bilan ishtirok etishdi. Jumladan, Tojikiston Respublikasining Oʻzbekistondagi Favqulodda va muxtor elchisi Abdurahmon Rahmonzoda Aziziy, Turkiya Respublikasi Anqara Yildirim Boyazid universiteti professori Funda Toprak, Anqara universiteti professori Mehmet Faruk Toprak, Karabuk universiteti professori Kemal Yavuz Ataman, Qozog‘iston Respublikasi Xoʻja Ahmad Yasssaviy universiteti dotsenti Pakizat Adiyeva, Abay nomidagi qozoq milliy pedagogika universiteti dotsenti Roza Baqbergenova, Gumilyov nomidagi Yevroosiyo universiteti dotsenti Gulgʻaysha Sagidolda, Teshenov nomidagi universitet dotsenti Naraliyeva Shaxlo, Afg‘oniston Respublikasi Faryob universitetidan Quvonch Ehsanulla, Alisher Navoiy nomidagi Toshkent davlat oʻzbek tili va adabiyoti universiteti professorlari Nurboy Jabborov, Bahodir Karimov, Qoʻldosh Pardayev, Dilnavoz Yusupova, Jizzax davlat pedagogika universiteti professori Usmonjon Qosimov, Oʻzbekiston davlat jahon tillari universiteti professori Ravshanxoʻja Rasulov, ToshDOʻTAU qoshidagi Davlat tilida ish yuritish asoslarini oʻqitish va malaka oshirish markazi direktori Inomjon Azimov va boshqa bir qator professor-oʻqituvchilar o‘z taqdimotlari bilan ma'ruza qildilar.
 

     Anjuman ochilishi va yalpi majlisdan so‘ng, ishtirokchilar quyidagi to‘rtta shu’baga bo‘linib, o‘zlarining ilmiy tadqiqotlari bilan o‘rtoqlashadilar: 
1-sho‘ba. Zamonaviy tilshunoslikning dolzarb masalalari
2-shoʻba. Til ta’limi istiqbollari va integratsion yondashuvlar
3-shoʻba. Adabiyot fanini o‘qitishning innovatsion usullari
4-shoʻba. Turkiy xalqlar adabiyotida tadqiq, tahlil va talqin muammolari.
 

     Ushbu tadbir O‘zbekiston Respublikasi Oliy ta’lim, fan va innovatsiyalar vazirligi, O‘zbekiston Respublikasi Maktabgacha va maktab ta’limi vazirligi va bir qator mahalliy hamda xorijiy oliy ta’lim muassasalari ko‘magi bilan o‘tkazildi. Anjumanga barcha soha olimlari va ilm ixlosmandlarini, yosh olim hamda tilshunos-u adabiyotsevarlar taklif etildi. Olimlar tomonidan Yangi O‘zbekistonda filologik ta’limning dolzarb muammolariga yechim topish va istiqbollari xususida yangi ilmiy tavsiyalar berildi.

Universitet Axborot xizmati